Tuesday, March 23, 2010

လာစမ်းဟဲ့...ကြက်ဟင်းခါးသီး

ခုတစ်လော ကျန်းမာရေးကတော်တော်လေးကို ဖောက်ပါတယ်...
ဝမ်းသွားတာမရပ်အောင်ပါပဲ။ကျုပ်ကလဲကျုပ်ပါပဲ။ပေတေပြီးနေခဲ့တာကိုးဗျ။
ဒါနဲ့မဖြစ်ချေဘူးဆိုပြီး...ဗီဟာရှရစ်ဆေးခန်းကို ပြေးရတော့တယ်။
ဆေးစစ်၊သွေးစစ်၊ဆီးစစ်၊ဓါတ်မှန်တွေဘာတွေရိုက်လိုက်တာ....
ပါသွားတဲ့ရူပီးအတောင်ပေါက်ကုန်သလားအောက်မေ့ရတယ်လေ....
ကုန်ပါရော့လား....သုံးလေးထောင်။ ပိုက်ဆံကိုတော့မနှမျောပါဘူး။
ပိုက်ဆံဆိုတာကရှိရင်သုံးဖို့ပဲမဟုတ်လား။ကိုးကွယ်ဖို့မှမဟုတ်ပဲလေ။
ရှေးလူကြီးသူမတွေပြောတာကြားဖူးပါရဲ့....

ငွေ.....စား၍မကုန်....မှား၍သာကုန်တတ်၏။
         သုံး၍မကုန်....ဖြုန်း၍သာကုန်တတ်၏။....တဲ့

ဒီလောက်တော့ ကုန်ပလေ့စေပေါ့။
ဆရာဝန်ကပြောလိုက်တယ်။တလအတွင်း....no milk, no tea,
no meat, no coffee,no biscuit,no beer,no wine...တဲ့ဗျာ...
ကဲ...ဘာစားတော့မလဲမောင်။မနက်မနက်ဆို ကော်ဖီလေး ဘီစကစ်
ငါးရူပီးတန်လေးနှင့်နှစ်ပါးသွားနေရတာလေ။

ဒါဆိုဘာတွေစားလို့ရလဲဆရာဆိုတော့...ကြက်ဟင်းခါးသီး
ဗူးသီး။၊ရုးံပတီသီး တဲ့။သွားပြီပေါ့....
နေ့တိုင်းကြက်ဟင်းခါးသီးဆိုတော့ အသဲတွေလည်းခါးကုန်လောက်ပါပြီ။
ဗူးသီးကလဲရင့်ထော်နေတာဆိုတော့  အဆင်ကမပြေပြန်၊ရုံးပတီသီးကျပြန်တော့
ရာသီကုန်လို့တုန်းတောင်နေပြီ။ကြက်ဟင်းခါးသီးချည်းစားနေလို့ အသဲတွေခါးတာက
ဘာအရေးလဲနော်....တော်ကြာ  နဂိုကကြည့်လို့အဆင်မပြေတဲ့ကျုပ်မျက်နှာမှာ 
ကြက်ဟင်းခါးသီးလိုဘုတွေ ထစ်တွေများထွက်လာရင်သွားပါရောလားကွယ်ရို့...
ဟိုကောင်...စိုင်းစိုင်းခမ်းလှိုင်...ဆိုတဲ့သီချင်းလို  သေပြီဆရာလို့သာ....
အော်လိုက်ရုံပ။

ဘာပဲဖြစ်ဖြစ်လေ...လောလောဆယ်တော့ ရှောင်လိုက်အုံးဟ။
အသွားမတော်တလမ်း....အစားမတော်တစ်လုပ်တဲ့။
ကျုပ်ကတော့   ...ဆက်ပြီးတုပ်လိုက်ဦးမယ် ....
မျက်စိမှာရေကြည်...နားမှာဆီ...ဒန္တီမှာဆား...၀မ်းမှာခါး....တဲ့။
ခါးစမ်းပါစေ...လန်ထွက်နေအောင်ခါးပါစေ..သောက်ကြိုးနဲခါးပါစေ...
လာစမ်းဟဲ့......ကြက်...
...ဟင်းခါးသီး.....အသားကုန်တီးပစ်လိုက်မယ်...ဒန်..ဒန့်...ဒန်...