လေမတိုး...မိုးမခတဲ့အိမ်

"မောင်ရယ်....မြန်မြန်ပြန်လာခဲ့ပါနော်၊မောင်မရှိလို့မဖြစ်ဘူး။
မောင်မရှိရင်မနေတတ်ဘူး၊မောင်ကိုလွမ်းလို့သေမှာပဲ။နော်..မောင်နော်..
.မြန်မြန်သာပြန်ခဲ့ပါနော်"တဲ့။

ဆံနွယ်လေးတွေက၊ကပိုကရို၊မျက်ဝန်းအိမ်မှာမျက်ရည်စတွေကတွဲခိုဝေသီရစ်ဝဲလို့၊ လွမ်းမောဘွယ်အကြည့်လေးနှင့်၊အဆောင်တော်လေသာပြူတင်းဝကနေ၊ ကတိုက်ကရိုက်အမှာပါးလိုက်တဲ့ကလျာ့စကား၊ကျုပ်အသဲကြားမှာထုတ်
ချင်းဖောက်စူးနစ်စိုက်ဝင်နေ တဲ့မြားတစ်စင်းလိုပါပဲကွယ်။... "ကလျာရယ်...ကျုပ်လည်းဘယ်သွားချင်မှာလဲ၊လက်ထဲကမဲမဲဟာကြီး
ကိုပစ်ချပြီး၊ချစ်ရတဲ့ကလျာ့ဆီကိုပဲလှည့်ပြေးချင်မိတော့တာပါ။

ခက်လိုက်တာကလျာရယ်.....
လွယ်လွယ်လေးနှင့်ခက်၊ရှင်းရှင်းလေးနှင့်ရှုပ်နေတဲ့ကျုပ်ရယ်ပါ။ အခုတော့..".လက်ထိပ်တန်းလန်းနှင့်ပုလိပ်အဖမ်းခံထားရတဲ့၊
တရားခံတစ်ယောက်လို"တိုးမလွယ်၊အဆုတ်ခက်"
ကျုပ်တစ်ယောက်ထဲကိုမှသက်သက်ရွေးပြီးခေါ်ခဲ့တာလေ။
ကျုပ်ကိုနားလည်ခွင့်လွတ်ပေးပါကလျာလေးရယ်နော်. ဘယ်လိုမှငြင်းပယ်လွန်ဆန်လို့မသင့်တာကြောင့်အားနာပါးနာ၊
ကျုပ်လိုက်သွားရမှာပါ။
စိတ်ချပါ၊ကလျာရယ်...ကိုယ့်ချစ်သူနှင့်ခဏလေးဖြစ်ဖြစ်၊တစ်ညလေးဖြစ်ဖြစ် မခွဲချင်လို့ကျုပ်မြန်မြန်ပြန်ခဲ့မှာပါ။စောင့်လို့သာနေရစ်ပါတော့ကလျာရယ်.
မင်္ဂလာဦးညမှာမှ.ရပ်ကွက်မီးကင်းစောင့်ကျတဲ့သူကိုကျုပ် ကိုယ်ချင်းစာတတ်သွားပြီလေ။

(၂)
အဲဒီတုန်းကခဏတာခွဲခွါခြင်းရယ်လို့ကျုပ်ထင်ခဲ့သေးတာပေါ့။
ဘယ်တော့မှမဆုံနိုင်တဲ့မျဉ်းပြိုင်လမ်းကိုလျောက်လှမ်းခဲ့မိမှန်း ကျုပ်အမှန်တကယ်မသိခဲ့ခဲ့ဘူး။ကျုပ်လဲကလျာနှင့်ထပ်ထူထပ်မျှ၊
လွမ်းဆွတ်တမ်းတသတိရနေပါတယ်ကလျာရယ်။
မဖွယ်မရာအဖြစ်ကွယ်ရာမှာမျက်ရည်ကျသက်သေပြနေတာ
မဟုတ်ရပါဘူးကလျာရယ်။"အကိုဘုရားကိုအပိုစကားလဲမပြောဘူး။
အသွေးအသားကလေးစားပြီးသားမို့ချစ်ကြောက်ရိုသေတာလဲပါတာပေါ့..
"ရဟန်းပြုပါလား..ညီတော်? လို့ပြောတုန်းကလဲစိတ်ထဲကမပါပေမဲ့၊
မလွဲသာမရှာင်သာခေါင်းညိမ့်ခဲ့ရတာပါ။ နန်းတော်ကြီးကနေ ကျောင်းတော်ကို
ရောက်သည်အထိ၊ခေါင်းမဖော်ငိုက်စိုက်ချ၊ လိုက်ခဲ့ရတာများအကိုဘုရားမသိလေရော့
သလား။ဘယ်နေရာကြည့်ကြည့်၊ကျုပ်အနားမှာကလျာရှိနေသလိုပါပဲ။
စားတဲ့အခါလဲကလျာ့ကိုသတိရတယ်.သွားတဲ့အခါလဲကလျာကိုမေ့မရဘူး။ ညဘက်ညဘက်အိပ်စက်တဲ့အခါမှာလဲ၊ကလျာ့ကိုပဲအိပ်မက်မှာ
မြင်မက်မှာမြင်မက်နေမိပြန်ရော။ကျောင်းတော်ကြီးထဲမှာရဟန်း
သံဃာတော်အားလုံးကဝိပဿနာကမ္မဋ္ဌာန်းစီးဖြန်းရှု့မှတ်နေသူတွေ။ စာကျက်စာအံနေသူတွေ၊အသီးသီးသူ့အလုပ်,သူ့တာဝန်နှင့်သူလေ။
ကျုပ်မှာတော့အဖော်ကွဲတစ်ကိုယ်တည်းဖြစ်နေတယ်။
ကမ္မဋ္ဌာန်းတရားရှူမှတ်ပွားများချိန်တွေမှာဆိုရင်လည်း၊မျက်စိမိတ်ငုတ်တုတ်ထိုင်ရင်း၊ ကလျာ့အကြောင်းပဲတွေးနေလိုက်တာ။
မျက်စိနှစ်လုံးကိုပိတ်လိုက်တာနှင့်တပြိုင်နက်ချစ်ရတဲ့...
ကလျာ့ပုံရိပ်ကအာရုံမှာဖျောက်ဖျက်
မရအောင်ပေါ်လာတတ်ပြန်ရော။
ဖျောက်ဖျက်မရဆိုပျောက်ပျက်သွားမှာကိုလဲ၊
ကျုပ်ကမလိုလားခဲ့ဘူးလေ။
အဆိုးဆုံးကတော့၊ညဘက်ကျိန်းစက်ချိန်ဆိုပါတော့။
အိပ်တော့မယ်လုပ်တိုင်းကလျာ့အကြောင်းက
မစဉ်းစားပဲရောက်လာတယ်။
ဟုတ်တယ်...ကျုပ်ကတော့ကတုံးကြီးနှင့်ဘုန်းကြီးဘဝ
ကိုစိတ်ကုန်တယ်ဗျာ။စားဖို့အတွက်နုတ်ခမ်းတို
နှင့်ခွက်မဲမဲကြီးပိုက်ပြီး၊အိမ်စဉ်လှည့်တောင်းရတဲ့အလုပ်ကို
စိတ်အပျက်ဆုံးအရှက်ဆက်ဆုံးပါပဲ။
နန်းတော်ကြီးထဲမှာနေခဲ့စဉ်ကကောင်းပေ့,ညွန့်ပေ့,
ဆိုတဲ့စာားကောင်းသောက်ဖွယ်တွေကို၊
ပွဲတော်တည်ခဲ့သူလေ။အခုတော့ဗျာ...ဖြူ,နီ,ကြောင်,ကြား,အဆင်းရှိတဲ့၊
ထမင်းနှင့်ပဲနောက်ဟင်းကိုအကောင်းလုပ်။ပဲပြုတ်ကိုနတ်သုဒ္ဓါလိုအမှတ်ပြုပြီး
လွေးနေရတယ်ဗျာ။

မစားခင်မှာလဲ"ဤသည့်စားဘွယ်၊အမယ်မယ်ကို၊မြူးရယ်မာန်ကြွ၊
လှပရေဆင်း၊ပြည့်ဖြိုးခြင်းငှါ၊"ဘာညာဘာညာနှင့်ရွတ်ဆိုဆင်ခြင်နေရသေးတယ်ဗျ။
ဝတ်စရာကိုလဲပြောရဦးမယ်...သုဿာန်,သချိုင်္င်း,အမှိုက်ပုံ၊လူသေကောင်တွေ
ဆီကပုဆိုးတွေကိုသစ်ခေါက်တွေနှင့်ဆိုးပြီးချုပ်စပ်ထားတဲ့
ပိုသီပတ်သီအဝတ်ကြီးကိုပတ်ထားရတာ၊ပေါ့ပေါ့ပါးပါး, သက်တောင့်,သက်သာမရှိတာတော့အမှန်ပါပဲ။ဘုန်းကြီးအလုပ်ဆိုတာ ခပ်လွယ်လွယ်၊ပေါ့ပေါ့,တော့တော့,လျော့တွက်လို့၊မရတာတော့အမှန်ပဲ။ ဝိနည်းသိက္ခာပုဒ်တွေကလဲများလွန်းလို့
"ဆူးကြားကြီးရတဲ့..ဗူးခါးသီး..လိုပဲ"ကြပ်တည်းလွန်းတယ်ဆိုတာထက်၊
ဟိုဘက်ကိုလွန်တယ်ဗျ။
အနေမတတ်လို့ကတော့၊ဒေဝဒတ်ရဲ့မိတ်ဆွေအစစ်ဖြစ်ပြီပေါ့။
ဆွမ်းစားပြီးတိုင်းစာကျက်ရတာများပါးစပ်က၊အမြုပ်ထွက်မတတ်ပါပဲ။

ဒါတောင်တစ်ချို့က..
"အလုပ်ကြောက်လို့အစားရဲအလကားပဲနေတဲ့ရဟန်းတွေလို့"
အထင်သေးအမြင်သေးပြောကြသေးတယ်လေ။ ဒါကြောင့်ရဟန်းတော်လေးရဲ့၊ရင်တွင်းဖြစ်ကဗျာလေးတစ်ပုဒ်ကိုပြောပြချင်တယ်ဗျာ၊

ဘုန်းကြီးအလုပ်ဟာလွယ်တယ်မမှတ်နဲ့

တကယ်ကြပ်သကွဲ့ဒကာတို့ရေ

အနယ်နယ်အရပ်ရပ်ငါတို့ပြည်(ပြေ)မှာ

ဝါလို့နေတာသံဃာများ

အလုပ်ကြောက်အစားရဲ

အလကားပဲနေသည်

မတရားတလွဲထင်ကာ မြင်ကြလေဘိတကား...

တောင်းကာရမ်းကာ၊လမ်းတကာသွားရ

ဆွမ်းရှာစားရပဲနှင့်ချည်ပေါင်ရည်(ရေ)

မ,ဝ..တ,ဝ၊မျှတလေသည်

ရရသမျှတွေသည်သောင်းပြောင်းရောလို့

ကောင်းမကောင်းသောဘာမှမကျန်ပေါင်

ပါသမျှပုဂံတွေပြောင်

စားပြီးစာကျက်

နုတ်တက်ဆောင်သည်

အမြုပ်ထွက်အောင်

စာအံရလေဘိတကား...တဲ့

တကယ်တော့ရဟန်းတွေဟာဂန္ထဓူရဆိုတဲ့စာပေ
ကျမ်းဂန်တွေကိုပို့ချသင်ယူကြရတယ်။

ဝိပဿနာဓူရဆိုတဲ့သမထဝိပဿနာကမ္မဋ္ဌာန်းတရားကိုနေ့
စဉ်ပွားများအားထုတ်ကြရတယ်။

"ဓူရနှစ်ခွင်၊အလုပ်တွင်၊နေ့စဉ်ဝင်မှသမဏ"လို့ဆိုတယ်မဟုတ်လား?....၊။
ရဟန်းဘိုတာသံသရာအတွက်ခရီးမှန်ပေမဲ့..အထီးကျန်တဲ့အဖြစ်မို့
ကျုပ်ကတော့မပျော်ဘူးကလျာရယ်...။

ကလျာ့ကိုလွမ်းတဲ့စိတ်က ဘာနှင့်မှဖြေသိမ့်လို့မှမရတာပဲလေ။

(၃)

ကလျာရယ်.........သတိရတိုင်း၊လွမ်းရတိုင်းသာ၊ရင်မှာပန်းပွင့်၊
တစ်ပွင့်စီပွင့်လျင်မြေပြင်အားလုံးပန်းတို့

ဖြင့်ဖုံးလိမ့်မည်ကလျာ...တကယ်ပါကလျာရယ်..
.ကလျာနှင့်ပြန်လည်ဆုံတွေ့ကြဖို့
ငှက်ကလေးတွေနှင့်လည်း.....
ရက်ရွေးပြီး၊နှီးနှောတိုင်ပင်မနေချင်တော့ဘူး။ရွက်စိမ်းကလေးတွေနှင့်

လည်း၊ရက်ချိန်းပေးမနေချင်တော့ဘူး။
ပင်လယ်ပျော်ငွေဇင်ယော်လေးတွေလိုသာ၊တောင်ပံတစ်စုံရှိခဲ့ရင်

သိပ်ကောင်းမှာပဲကွယ်။ဒါမှချစ်ရတဲ့ကလျာဆီမိုင်ထောင်ချီဝေးပါစေ၊
ပျံဝဲလို့လာခဲ့နိုင်မယ်လေ။

ဟိုတုန်းကလို.. မင်္ဂလာဥယျာဉ်ကန်တော်ထဲက၊စမ်းရေလေးတွေကြားမှာ၊
ပန်းကြွေလေးတွေနှင့်ကစားလို့အလွမ်းပြေစကားတွေကိုပဲ၊
နှစ်ကိုယ်ထဲပြောချင်နေမိတယ်ကလျာရယ်။
ဒီဘဝမှာမပျော်လို့မပျော်ဘူးပြောမိကာမှ...
ဘယ်ပုဂ္ဂိုလ်ဘယ်လိုလူကချွန်တွန်းလုပ်ပို့လိုက်တယ်မသိပါဘူး။
ကျုပ်အကြောင်းတွေ..အကိုဘုရားကအကုန်ကြားသွားပါရော့လား။
ဒီလိုဆိုတော့လဲ.တစ်မျိုးကောင်းတာပါပဲ။ကျုပ်လျှောက်ကြားဖို့
မလိုတော့ဘူးပေါ့။အကိုဘုရားက.
."ငါ့ညီ.....သာသနာမှာမပျော်ဘူးဆိုကွဲ့၊ဟုတ်ရဲ့လား?"...တဲ့။
ကျုပ်လဲနုတ်ဆိတ်လို့သာနေလိုက်ပါတယ်။
ဆိတ်ဆိတ်နေဝန်ခံခြင်းလေ။နေ့ရှိသ၍,ညရှိသမျှ,နေ့နေ့ညည၊
မေ့လို့မှမရနိုင်တာပဲကလျာရယ်။
အမြဲလွမ်းရလွန်းလို့...ကျုပ်အသဲတွေနွမ်းလျနေပါပြီကွယ်။
"ငါ့ညီ...စိတ်ပြေလက်ပျောက်လမ်းလျောက် ထွက်ကြရအောင်ဆိုလို့
တောလမ်းကလေးအတိုင်းလာခဲ့ကြတယ်။
ဘာစကားမှလည်းမပြောဖြစ်ကြပါဘူး။
ကျုပ်ကတော့လမ်းဘေးဝဲယာပတ်ဝန်းကျင်တောပန်းကလေးတွေ၊
လိပ်ပြာလေးတွေ၊ကျေှးှုက်လေးတွေကိုငေးကြည့်ရင်းနှင့်ပေါ့။
မီးလောင်ပြင်တစ်နေရာအရောက်.
.ခြောက်သွေ့နေတဲ့ကွင်းပြင်ကြီးတစ်ခု။
မီးကျွမ်းလောင်ထားတဲ့သစ်ငုတ်တိုပေါ်မှာအရာတစ်ခု။
အရိုးပြိုင်းပြိုင်း၊ခါးကိုင်းကိုင်း၊နဖူးကမောက်၊နှာယောင်ကောက်နှင့်၊
အမွေးအမြင်တွေကကျိုးတိုးကြဲတဲ။
မျက်လုံးနှင့်ပါးစပ်ကပြူးတူးပြဲတဲနှင့်ဘီလူးသရဲ,အလားထင်ရလောက်တယ်။
မြင်ကွင်းကကျက်သရေကင်းမဲ့
စွာ၊စက်ဆုပ်ရွံရှာဖွယ် မျောက်အိုမကြီးတစ်ကောင်ရယ်ပါ။
"ညီလေး....အဲဒီမျောက်အိုမကြီးနှင့်ငါ့ညီလေး..တမ်းတစွဲမက်
နှစ်သက်မြတ်နိုးရပါတယ်ဆိုတဲ့..ချစ်နှမကလျာ၊ ဘယ်သူကသာလို့, ဘယ်သူက၊ပိုပြီးရှု့မငြီးစရာလှပတင့်တယ်ပါသလဲ?"..တဲ့။
မေးရက်လိုက်တာနောင်တော်ဘုရားရယ်...
နောင်တော်ဘုရားမှာကိုယ်ချင်းစာစိတ် နည်းနည်းလေးမှမရှိတော့ဘူးလား။
ရက်စက်တယ်..ရက်စက်တယ်..လို့သာ၊အော်ငိုပစ်လိုက်ချင်တော့တယ်။
ကျုပ်အမြတ်တနိုးတန်ဘိုးထားချစ်ရတဲ့ကလျာလေးကိုမှ.
.ဒီလောက်အကျဉ်းတန်ရုပ်ဆိုးလွန်းတဲ့
မျောက်အိုမကြီးနှင့်နှိုင်းရက်လေတယ်။
ကျုပ်အသဲနုနုတွေ၊ကွဲကြေပြတ်လုပါပြီကလျာရယ်။
နောင်တော်ဘုရား..မဟုတ်ပဲတစ်ခြားသူသာ
၊ဒီစကားပြောလာရင်..ဒီနေရာမှာတင်...
ကျုပ်နှင့်တော့ပွဲကြီးပွဲကောင်းပေ့ါ။
ခုတော့ကျုပ်မှာအရမ်းဝမ်းနည်းလို့ကြေကွဲစွာ၊
ငိုကြွေးနေရုံကလဲလို့ ဘာများတတ်နိုင်ဦးမှာလဲ။

ကျုပ်ဘဝမှာယောက်ျားတန်မဲ့မျက်ရည်ကျခဲ့တာ
ဒီတစ်ကြီမ်၊ပထမဆုံးဖြစ်မှာပါ။
နောင်တော်ဘုရားကကျုပ်အဖြစ်ကိုကြည့်ပြီး..
.ငါ့ညီလေး..အရမ်းစိတ်ထိခိုက်သွားလား?
သိပ်လဲဝမ်းနည်းပိုဆွေးငိုကြွေးမနေပါနဲ့ကွယ်။
ညီလေးစိတ်ကိုသိချင်လို့ သက်သက်,နောက်ပြောင်ကြည်စယ်ရုံမေးတာပါပါကွ။
တဲ့..စဉ်းစားကြည့်လေ...ဒါနောက်စရာလားလို့။
နောင်တော်ဘုရားက၊ချော့မော့ပြောတော့လဲ
၊စိတ်ထဲမကြည်လင်ပေမဲ့စိတ်ကောက်ပြေရပြန်တာပေါ့။
ချစ်ကြောက်ရိုသေလေးစားလွန်းလို့သာ၊
အကိုဘုရားရဲ့နောက်တော်ကလိုက်နေရတာ။
အကိုဘုရားကလဲရှေ့ဆက်ဘယ်ကိုများသဝေထိုးဦးမလဲမသိပါဘူး၊
တစ်နေရာအရောက်မြင်ကွင်းကအသက်ရှူမှားလောက်တယ်။
ရောင်စုံပန်းတွေဖူးပွင့်ဝေနေတဲ့ပန်းဥယျာဉ်ကြီးတစ်ခုထဲမှာလှပနုရွ..
လုံးဝအမိုက်စားတွေချည်း။
ခါးရင်လှ၊ငါးပဉ္စကောင်းခြင်း၊ခြောက်ပြစ်ကင်းလို့၊သဲလဲစင်...
ဆိုတာဒါမျိုးလေးတွေမှအစစ်ဗျား။
ပျိုပြစ်နုငယ်၊ဆယ့်ခြောက်နှစ်၇ွယ်၊
မိန်းမငယ်ငယ်လေးတွေမှအားကြီးပဲ...
.ကျုပ်လေ မျက်တောင်ခပ်ဖို့ဝေးစွ။အသက်ရှူဖို့တောင်မေ့နေခဲ့တယ်။
ပိုလွန်းတယ်လို့မပြောနဲ့။
ဒီမြင်ကွင်းကိုမြင်ရင်၊ခင်ဗျားလဲကျုပ်လိုဖြစ်နေမှာ..၊ကျုပ်အတတ်ပြောရဲတယ်။
နောင်တော်အကိုဘုရားက..ဒေဝစ္ဆရာနတ်ကညာလေးလေးတွေက၊
ရှုချင်စဖွယ်လှပတင့်တယ်ပါရဲ့လား...ငါ့ညီ...တဲ့။
ကျုပ်လေရုတ်တရက်၊မင်သက်ငေးမောနေလို့
ကပျာကယာအပြေးအလွားဖြေလိုက်ရသေးတယ်။
သူတို့အလှကိုပြောပြဖို့ဝေါဟာရတောင်
ရှာမရနိုင်ပါနောင်တော်အကိုဘုရား....လို့လေ။...
.နောင်တော်အကိုဘုရားကအရေးထဲမေးခွန်းတွေထပ်မေးနေပြန်တယ်။
ဟောဒီက ဒေဝစ္ဆရာနတ်ကညာလေးတွေနှင့်
ငါ့ညီရဲ့ချစ်နှမကလျာ၊ဘယ်သူကသာလို့ဘယ်သူကလှပါသလဲကွာ..တဲ့။
မှန်ရာကိုပြောရမယ်ဆိုရင်
"ဒေဝစ္ဆရာနတ်သမီးကညာပျိုလေးတွေရဲ့အလှနှင့်နှိုင်းယှဉ်လိုက်ရင်
နှမတော်ကလျာရဲ့အလှဟာမီးလောင်ပြင်သစ်ငုတ်တိုပေါ်ကမျောက်အိုမကြီးနဲ့သာတူ
ပါတော့တယ်နောင်တော်ဘုရား"......လို့လျှောက်ထားလိုက်မိတယ်လေ။

'ခွင့်လွတ်တော့ကလျာရယ်...ငါးစိမ်းမြင်..ငါးကင်ပြစ်သူကြီးလို့
ဆိုချင်ဆို။တစ်ခြုံကွယ်လို့တစ်မယ်မေ့သူကြီး

လို့စွပ်စွဲချင်လဲစွပ်စွဲလိုက်ပါတော့ကကလျာရယ်။
ကလျာမကျေနပ်ရင်လည်းကျုပ်ဘာများတတ်နိုင်ဦးမှာလေ.

.ဘာများတတ်နိုင်ဦးမှာလဲ။ '....

"ညီလေး...နောင်တော့စကားကိုနားထောင်၊ရော့ဒီဂါထာကိုအရကျက်။
အမြဲရွတ်ဆိုပွားလိုက်။
နတ်သမီးကညာပျိုလေးတွေငါ့ညီရှေ့မှောက်ဒူးထောက်ရောက်လာမယ်။ အဲဒီအခါ၊ကြိုက်ရာခေါင်းခေါက်၊ကြိုက်သလောက်ယူလို့ရပြီငါ့ညီတဲ့"..။

အစ်ကိုဘုရားရေ..အပိုစကားတွေပြောမနေချင်တော့ပါဘူး။
နတ်သမီးလာဂါလေးသာပေးပါပေးပါ...
လို့ကလေးတစ်ယောက်မုန့်တောင်းသလို၊
ကျုပ်ဟန်မဆောင်ပဲတောင်းဆိုလိုက်ပါတယ်။
ကျောင်းကိုပြန်ရောက်တယ်ဆိုရင်ပဲနတ်သမီးလာတဲ့ဂါထာကို
အရကျက်ပြီးလုပ်ငန်းဂွင်စဝင်တယ်...ဆိုပါတော့ဗျာ။
"ကိုယ်တော်လေးနန္ဒကတော့အံ့သြစရာပဲဟေ့။
ဘုန်းကြီးဝတ်ရမှာကြောက်တဲ့သူ၊ကလျာ့ကို
အ၇မ်းလွမ်းတယ်....အရမ်းလွမ်းတယ်....
.နှင့်တဖွဖွပြောနေတဲ့သူ။အခုတော့လဲနတ်သမီးကိုလိုချင်လို့ ဂါထာတွေရွတ်နေသတဲ့။သာသနာကိုခုတုံးလုပ်နေပြီဟေ့။
ရဟန်းတို့တရားနှင့်နတ်သမီးကို ဝယ်ဖို့ကြံနေသတဲ့..
အရပ်ရပ်နေပြည်တော်၊ကြားလို့မှမတော် ပါလားကွယ်ရို့ ...ဟိုးဟိုး....ဟို့။"....
.တစ်ချို့မိတ်ဆွေရဟန်းတွေကကျုပ်ကြားအောင်တမင်သက်သက်၊
အသံကိုမြင့်ပြောနေကြမှန်းကျုပ်သိတာပေါ့။ရှက်လိုက်တာ.. ဒီမျက်နှာဘယ်ပြရမှန်းတောင်မသိတော့ပါဘူး။ကျုပ်ကလည်း
သူတို့ ပြောသလိုဟုတ်နေတာကိုနော့။ဒီတော့လည်း သူများမသိအောင် ချောင်ကျကျတိတ်ဆိတ်တဲ့နေရာတစ်ခုကိုရွေးပြီး၊အသည်းအသန်ရော၊ အပြင်းအထန်ပါ၊ကျင့်ကြံပွါးများရတော့တာပေါ့။ရွတ်ဖန်များတော့ဒီဂါထာရဲ့ ဆိုလိုရင်းအနှစ်သာရကို၊ကျုပ်အသိဥာဏ်မှာထင်ထင်ရှားရှားကြီး သိမြင်ခဲ့ရပါပြီ။တကယ်တော့......နောင်တော်အကိုဘုရားက အရာအားလုံးရဲ့မမြဲတဲ့သဘော၊ဆင်းရဲတဲ့သဘော၊အစိုးမရတဲ့
သဘောတွေကိုတစ်ဘက်လှည့်နှင့်နတ်သမီးလာတဲ့ဂါထာဆိုပြီးပေးခဲ့တာလေ။
ဟုတ်ပါတယ်လေ..မသိမှုအဝိဇ္ဇာတရားတွေကြောင့်လိုချင်မှု၊
တဏှာလောဘတွေဖြစ်ကြရတာမဟုတ်လား.."
.နောင်တော်ဘုရား..တပည့်တော်နတ်သမီးတွေကို
တကယ်ကိုမလိုချင်တော့ပါဘူးဘုရား..."
လို့လျှောက်ထားလိုက်တယ်။
ဆစ်ချို့တစ်ချို့ကိုယ်တော်တွေကကျုပ်စကားကိုမယုံကြည်ကြမယုံကြည်ကြ
ဘူးထင်ပါရဲ့။ဒီကိုယ်တော်လေးနန္ဒကတော့ပြောရော့မယ်။
အခုပဲလိုချင်လှချည့်ရဲ့၊အခုပဲပဲမလို ချင်ပြန်တော့ဘူးဆိုပဲ။ အခုစာကလေးကြော်..အခုဆီထမင်းနှင့်သူပဲတတ်နိုင်လွန်းတယ်ဟေ့..
လို့ပြောကြသေးတာပေါ့။
ဒါကိုနောင်တော်အကိုဘုရားက ကြားသိတော်မူလို့.....
.".ဟုတ်တယ်ချစ်သားရဟန်းတို့....ငါ့ညီနန္ဒဟာ...
ဟိုအရင်ကအမိုးအကာမရှိတဲ့အိမ်အိုအိမ်ပျက်ကြီးလိုပဲ။
မိုးကြိုးတွေပစ်...လျှပ်စီးတွေလက်၊လေပြင်းမုန်တိုင်းတွေနှင့်အတူ၊ ထစ်ချုန်းမိုးတွေ၊ရွာတဲ့အခါတိုင်း၊အဲဒီအိမ်အိုကြီးထဲကို.
.မိုးရေမိုးပေါက်တွေက..အတိုင်းအဆမရှိ..အတားအဆီးမရှိ ဒလဟောကျဆင်းစီးဝင်နေဘိသကဲ့ဖြစ်တယ်။အခုဆိုရင်...
ငါ့ညီလေးနန္ဒရဲ့စိတ်ဟာအမိုးအကာပြည့်စြုံပီး လုံခြုံစိတ်ချရတဲ့
၊မိုးလုံလေလုံခိုင်ခံ့တဲ့တိုက်အိမ်ကြီးလိုပဲ။
ကိလေသာ,ကာမလို့ခေါ်တဲ့မိုးရေမိုးပေါက်တွေကဘယ်လိုမှမကျရောက် မတိုးဝင်နိုင်တော့ဘူး...ချစ်သားရဟန်းတို့"...လို့ပြောလိုက်တော့မှ..
ရဟန်းတော်အားလုံးကသဘောကျလက်ခံသွားကြတယ်လေ။
ကာမဂုဏ်အမှိုက်..ကိလေသာအမှောင်တိုက်ကနေ လမ်းပြကယ်တင်ပေးခဲ့တဲ့..
ကျေးဇူးကြီးလှတဲ့အကိုနောင်တော်ဘုရားကိုကျုပ်အသက်နှင့်ခန္ဓာတည်မြဲနေသမျှ ကာလပတ်လုံးအကြိမ်ကြိမ်ရှိခိုးကန်တော့လျှက်ပါလေ....
အကြိမ်ကြိမ်ရှိခိုးဦးချလျှက်ပါ......




မှတ်ချက်။....။(M.M.W.A.I.နဝမနှစ်၊နှစ်ပတ်လည်စာစောင်တွင်၊ကိုဇော်လွင်(m.L)
ကလောင်အမည်ဖြင့်ရေးခဲ့သော ညီတော်နန္ဒအကြောင်းဖြစ်ပါသည်။။..........