Sunday, July 1, 2012

ဘာကြောင့်လို့ပြောမလဲ?

လူရွင်တော်တွေရဲ့ဟာသပြက်လုံးတွေကို ကျုပ်ကြည့်ဖူး ကြားဖူးတယ်...

"ပခုံးနှစ်ဘက်ကြားခေါင်းပေါက်နေပေမဲ့ ဦးနှောက်နှင့်ဆုံးဖြတ်တတ်ရမယ်ကွတဲ့..

နောက်တယောက်ကတော့ ဦးနှောက်နှင့်ဆုံးဖြတ်ပေမဲ့ ရင်ဘတ်ထဲကပါဖို့တော့လိုမယ်ကွတဲ့".....ဟုတ်တယ်..စကားလုံးလှလှတွေက နားထောင်ရတာ

သိပ်ပြီးတော့ ကဏှသုခဖြစ်ပါတယ်....ဒါကြောင့်နုတ်ချို သျိုတပါးလို့ပြောကြတာပေါ့...

ကျုပ်တို့ ခင်ဗျားတို့ စကားချိုချိုလေးတွေ ပြောတတ်အောင်တော့ သင်ယူကြရတော့မယ်နော်..

ချစ်စေလို ခံတွင်းလက်လေးသစ်၊ မုန်းစေလို ခံတွင်းလက်လေးသစ်လို့ ဆိုတာကိုလဲမမေ့သင့်ပါဘူး..

ခြေချော်သည်ထက် နုတ်ချော်ခက် လို့လဲဆိုသေးတာကိုး......

စကားပြောတယ်ဆိုတာအတတ်ပညာတခုပဲ၊ဒေါသ နှင့်ပြောရင်..

.ရေရှည်မှာအောင်မြင်ဖို့ဆိုတာမဖြစ်နိုင်ဘူးလို့

ကျုပ်တို့လက်ခံထားရတော့မယ်..ဘယ်စကားကိုဆိုဆို ရင်ထဲကမပါရင်တော့ နားထောင်လို့တော့

ကောင်းနိုင်ပါတယ်...အတွင်းစိတ်ဓါတ်မမှန်ရင်တော့ မစင်ထုပ်တဲ့အိတ်တစ်လုံးလို မသိခင်တော့

ဖက်တွယ်ကြလိမ့်မယ်...သိလာတဲ့ တနေ့မှာ ဘယ်သူကများတန်ဘိုးထား သိမ်းဆည်းထားတော့မှာလဲ...

ဒါပေမဲ့....အချိန်တော့ မမီတော့ဘူးပေါ့.....ကုန်လွန်ခဲ့တာတွေကိုလည်း နောင်တတွေနှင့် နပမ်းလုံးကြပေမပေါ့...ရွေးချယ်ခွင့်ရှိတဲ့အရာကို ကိုယ်သိလျက်နှင့် မမြင်တတ်တာကတော့ ကျုပ်တို့ ခင်ဗျားတို့ရဲ့ ညံ့ဖျင်းမှုတွေပါပဲ....လူတွေရဲ့သဘောက အများယောင်ရင်လိုက်ယောင်တတ်ကြတယ်။တောင်မှန်းမြောက်မှန်းမစဉ်းစားချင်တော့ဘူး။

ဦးအောင်သင်းကပြောဘူးတယ်။မင်းစဉ်းစားတွေးခေါ်မလား? သေမလားဆိုရင် သေမယ်လို့ပြောမဲ့

သူတွေကအများကြီးပဲ တဲ့။ကျုပ်တို့တွေမှာ မျက်စိတစ်ဆုံးမကြည့်တတ်ကြဘူးလေ။ဒီလိုသာ..

ဘာသိဘာသာဆက်သွားကြရင်..အသာနေ၊အသာနေ ဒီကိစ္စငါနှင့်မဆိုင်ဘူး။သူလုပ်လိမ့်မယ်ဆိုပြီး

ရေသာခို၊အချောင်လိုက်နေကြမယ်ဆိုရင်....တစ်နေ့ အဲဒီတစ်နေ့ဆိုတာ  မဝေးတော့ဘူး။သူကတော့

စောင့်နေပြီ။ရင်ဆိုင်ဖို့...သတ္တိသာမွေးထားကြပေရော။သူနာမည်က...လူတိုင်းသိတယ်...နောင်တ...

Monday, October 31, 2011

Sunday, October 30, 2011

မှတ်လိုက..မှတ်လေ

အိန္ဒိယအကြောင်းဆက်ရေးပါဦးမည်။
အိန္ဒိယနိုင်ငံသည်လူဦးရေသန်းပေါင်း(1.21)သန်းကျော်ရှိသည်။
၂၀၁၁.အင်တာနက်စစ်တမ်းဖော်ပြချက်အရ(1,210,193,422)ဟုသိရ သည်။ဤမျှလောက်များပြားလှသောလူဦးရေအတွက်စားဝတ်နေရေးကို
ဖြေရှင်းရန်မှာမလွယ်ကူပေ။သို့အတွက်ကြောင့်ဆယ့်နှစ်ရာသီစိုက်ပျိုး
ကြရပေမည်။တစ်နေ့တစ်ခြားလူဦးရေတိုးပွါးများပြားနေသည်နှင့်အမျှ၊
နည်းပညာများလည်းတိုးတက်ခေတ်မှီအောင်ကြံ ဆောင်တီထွင်ပြုလုပ်နေကြသည်။လူတိုင်းလူတိုင်းလက်ကိုင်ဖုန်းသုံးစွဲ
နိုင်စေရန်မိုလ်ဘိုင်းဖုန်းများကိုလည်းဈေးနှုန်းချိုသာ၊သက်သက်သာ
ဖြင့်နေရာတကာဝယ်ယူသုံးစွဲနိုင် ကြသည်။အစိုးရတက္ကသိုလ်နှင့်ကောလိပ်ကြီးများ၊အထက်တန်း
ကျောင်းများ၊ပရိုတ်ဗိတ်ကျောင်းများနေရာတိုင်းတွင်တည်ထောင်ဖွင့်
လှစ်ထားကြသည်။စားဝတ်နေရေးအတွက်လူတိုင်းချွေတာစုဆောင်းကြ
သည်။အစိုးရဘဏ်များ၊ပုဂ္ဂလိကဘဏ်များတွင်တိုးမပေါက်
အောင်ကြိတ်ကြိတ်တိုး၍ငွေသွင်း၊ငွေထုတ်လုပ်နေသူများမှာစနေ၊
တနင်္ဂနွေပိတ်ရက်များမှအပ၊နေ့စဉ်နှင့်အမျှပင်။နေစရာအိမ်တို့ကို
များသောအားဖြင့်ပြီးစီးအောင်မဆောက်လုပ်ကြ။ အဆောက်အဦးပြီးလျင်နိုင်ငံတော်ကိုအခွန်ဆောင်ရသည်ဟုပြောသံ ကြားဖူးသည်။နေအိမ်ကိုအုတ်များဖြင့်အကြမ်းထည်သာတည်
ဆောက်ထားတတ်ကြပြီး၊အပြင်ဘက်ခြမ်းကိုနောက်ချီး(နွားချီး)
အပြားလေးများကပ်ထားသည်မှာအိန္ဒိယ၏ဟုမ်းတက်ကရေးရှင်း
တစ်ခုသဘွယ်။နံရံဆေးသုတ်၍ကြော်ငြာဆိုင်းဘုတ်လုပ်ထားသည် များမှာနေရာအနှံ့အပြားတွင်တွေ့နိုင်သည်။စားစရာအတွက်ဂျုံမုန့်
(အာသာ)ကိုရေနှင့်အလောတော်၊မနည်းမများ၊ကွက်တိကျအောင်
ရောသမ၍၊နယ်ပြီးလျင်၊ဒယ်အိုးကင်းအပြားပေါ်တွင်ဖုတ်ကင်ရသော
ရိုတီ(ခေါ်)ချာပါတီကိုဆပ္ပဂျီခေါ်သောအာလူး၊ကုလားပဲ၊
မဆလာများများ၊ငရုပ်သီးစပ်စပ်၊ဆီမပါဘဲချက်ထားသည့်သက်
သတ်လွတ်ဟင်းလျှာဖြင့်မြိန်ရှက်၊နှစ်သက်စွာပွဲတော်တည်နေကြသည်မှာ၊ မြင်သူသွားရည်ကျစရာပါပေ။ပြီးလျင်...
ရေတစ်ဖလားကိုခေါင်းမော့၍၊အာမထိလျှာမထိ၊တစ်ဂွပ်ထဲဂွပ်ချ
လိုက်တတ်သည်။ကုလားထီးများကတော့၊ ခိုင်နီး(တန်ဗာကူ)ဆေးရွက်ကြီးကိုသေးသေးမြင်မြင်လှီးဖြတ် ထားသောအရာအား၊ဘယ်လက်ဝါးပေါ်တင်၊ညာဘက်လက်မလေးဖြင့်၊
ကျူနား(ထုံး)အနည်းငယ်ဖြင့်နှစ်မိနစ်ခန့်ထိုးခြေပွတ်နှိပ်ပြီးလျင်၊
ပါးစောင်တွင်ထည့်ကာ၊ဆိုင်ရာအလုပ်ဆီသို့ဒိုးကြလေကုန်၏။
ကျာဝါးခေါ်ဆန်ထမင်းကိုတော့ည(၁၀)နာရီနောက်ပိုင်းတွင်သာ
စားကြသည်ကများသည်။စားပြီးလျင်တော့ကျိုးပေရောပေါ့။
ထူးဆန်တာတစ်ခုတော့တွေ့ရသည်။ ထိုအရာကားဈေးများတွင်ကဗလာခေါ်အဝတ်စားများနှင့်
အန်ဓ(ကြက်ဥ)ကလွဲရင်၊ မည်သည့်အရာဖြစ်ဖြစ်ချိန်ခွင်ထဲချိန်ရောင်းတတ်ကြသည်။
ဖရဲသီး၊ပန်းသီး၊ဂေါ်ဖီထုပ်၊သရက်သီး၊မြေပဲဆံ၊ငရုပ်သီး၊
မုန်လာဥဘာဖြစ်ဖြစ်၊အလုံးလိုက်ရောင်းသည်မရှိ။
ငှက်ပျောသီးပင်အလုံးရေဖြင့်မရောင်း၊ချိန်ခွင်နှင့်ချိန်ရောင်းကြသည်။
အုန်းတံတံမြက်စီး(နာလိယဂျာရူး) ကိုပင်ချိန်ခွင်တွင်ချိန်ရောင်းသည် မှာထူးဆန်းအံ့ဘွယ်ပါလားကိုကုလားတို့ရယ်၊
အိန္ဒိယသားကုလားများသည်အလုပ်လုပ်ရာတွင်၊ဘယ်သောခါမျှ၊ရေးကြီးသုတ်ပြာ၊ အလျင်စလိုမြန်မြန်ဆန်ဆန်မလုပ်ကြပါ။'အေးရာအေးကြောင်း၊ဒါမျိုးပဲကောင်း၊"
ဆောင်ပုဒ်လက်ကိုင်ထားလေသလားမသိ။ရုံးများ၌Tomorrowသည်
တပတ်လောက်ကြာချင်ကြာတတ်ပြီး၊နှစ်ပတ်လည်းဖြစ်ချင်ဖြစ်နိုင်သည်။
ဧမိနစ်(ခဏ)ဆိုလျင်တစ်နာရီလောက်ကြာမည်ဟု။ ဂဏှာဟိ=မှတ်လေလော့။မယုံမရှိလေနဲ့၊ကိုယ်တွေ့။

Saturday, October 29, 2011

ဗန်းမော်ဆရာတော်ကြီးရဲ့စကား၊ကုလားပြည်မှာမှားခဲ့ပြီ

 
ပြူတင်းပေါက်တံခါးကိုဖွင့်လိုက်သည်။AdmissionOfficeနှင့်

SilbharaAramaHostelအကြားမြက်ခင်းပြင်တွင်ကုလားမကြီးသုံးလေး

ယောက်နှင့်မူလတန်းအရွယ်၊ရှစ်နှစ်၊ကိုးနှစ်ခန့်ကလေးမလေး

လေးယောက်တို့နွားစာအတွက်မြက်ရိတ်နေကြသည်။

သူတို့၏တံဇဉ်မှာဗမာတံဇဉ်လိုမဟုတ်၊လက်ကိုင်အောက်တွင်

တလက်မခန့်နိမ်ပြီးပြုလုပ်ထားကြသဖြင့်၊မြက်ရိပ်လျှင်မြေကြီး

အထိကပ်၍ရိတ်နိုင်သည်။ရိတ်သူလက်ကိုမထိခိုက်၊မရှနိုင်။

ကုလားပြည်တွင်အလကားလွင့်ပစ်လိုက်ရသည့်အရာကမရှိ

သလောက်ရှားသည်။နွေရာသီတွင်ပူပြင်းခြောက်သွေ့လွန်း 

သဖြင့်သစ်ရွက်ခြောက်များကြွေချိန်တွင်၊ဗမာပြည်ကဲ့သို့

သန့်ရှင်းရေးအလုပ်သမားများ၊စည်ပင်သာယာဝန်ထမ်းများ

အထူးမလိုအပ်ပါ၊ကြွေနေသောသစ်ရွက်များ၊သစ်ကိုင်းခြောက်များ

ကိုလောင်စာအတွက်အားလုံးပြောင်သလင်းခါသွားအောင်၊

ကုလားမကြီးငယ်တို့ကသိမ်းဆည်းသွားကြသည်သာ။

ဌာနကတရားဝင်ခန့်ထားသောဝန်ထမ်းများကအနည်းငယ် 

ကြည့်ကောင်းအောင်လုပ်လိုက်ရုံသာ။နွားစာအတွက်မြက်ရိတ်

နေသူများကိုနေရာအတော်များများတွင်တွေ့နိုင်သည်။

စပါးခင်း၊ပြောင်းခင်းနှင့်ဂျုံခင်းများကိုရိတ်သိမ်းကြ

လျင်လည်းဗမာပြည်ကဲ့သို့ရိုးပြတ်တောသည်ကျန်သည်မရှိ။ 

 မြေကြီးမှကပ်၍ရိတ်သိမ်းကြသည်။ကောက်ရိုး၊ပြောင်းရိုး၊

ဂျုံရိုးတို့ကိုဖြတ်တောက်လှီးဖြတ်ခုတ်စဉ်း၍၊ဖွဲနုတို့ဖြင့် 

ရောသမမွှေကာနွားစာ၊မြင်းစာအဖြစ်အသုံးပြုကြသည်။

အိန္ဒိယတွင်နွားများကိုတယုတယမွေးမြူကြသည်။

လယ်ယာလုပ်ငန်းနှင့်ဝန်တင်ဆောင်ရန်အတွက်၊

အဓိကထားခြင်းတော့မဟုတ်။နွားနို့အတွက်အဓိကထားမွေး

မြူကြသည်ကများသည်။နွားမွေးခြင်းသည်အိန္ဒိယ၏

လူမှုရေးဇာတ်စနစ်နှင့်လည်းဆက်နွယ်နေပါသေးသည်။ 

အိန္ဒိယ၏များပြားလှသောဇာတ်စနစ်ထဲတွင်နာမည်၏နောက်၌

(ပရာဆတ်၊ယာတော်)စသည်ဖြင့်မှည့်ခေါ်ထား 

သောဇာတ်တစ်ခုရှိသည်။ထိုအနွယ်ဝင်လူတို့သည်

နိုင်ငံတော်သမတကြီး၊ဝန်ကြီးချုပ်ကြီးပင်ဖြစ်လင့်ကစား။ 

 အနည်းဆုံးနွား တစ်ကောင်တော့မွေးထားကြရသည်ဟုကြားဖူးသည်။
 
အိန္ဒိယနိုင်ငံသည်အလွန်ကြီးမားကျယ်ဝန်းပြီး၊လူဦးရေထူထပ်များ

ပြားသည်။သူတို့ကိုယ်သူတို့ဘာရတ(မဟာဘာရတ်)

နိုင်ငံသားများအဖြစ်ဂုဏ်ယူတတ်ကြသည်။

ဒီမိုကရေစနစ်အပြည့်အဝအထွန်းကားဆုံးနိုင်ငံဖြစ်သည်။

လူမျိုးပေါင်းစုံ၊ဘာသာပေါင်းစုံ၊ကိုးကွယ်မှုပေါင်းစုံနှင့်

ဇာတ်စနစ်ပေါင်းစုံနေထိုင်လျက်ရှိသည်။မြို့ပြနှင့် 

ကျေးလက်သည်ကွာဟမှုကြီးကြီးမားမားမတွေ့ရတတ်ပေ။

ပြည်တွင်းလေကြောင်းလိုင်းများ၊ဟိုက်ဝေးလမ်းမ 


ကြီးများ၊မီးရထားများဖြင့်မိမိသွားလိုရာတနိုင်ငံလုံးရှိမြို့ရွာကျေး

လက်ဇနပုဒ်အထိလွယ်ကူစွာသွားလာနိုင်သည်။ဆက်သွယ်ရေး

စနစ်ကောင်းမွန်သဖြင့်တယ်လီဖုန်းများ၊မိုဘိုင်းများ၊အင်တာနက်စနစ်

များ၊ကေဗယ်စနစ်များ၊ဝါယာလက်စနစ်များကိုလှည်းနေ၊

လှေအောင်းမြင်းဇောင်းမကျန်လူတိုင်းထိတွေ့သိရှိနိုင်

ပြုလုပ်ထားသည်မှာအံ့ဘွယ်ပါပေ။နေရာတိုင်းသောက်ရေသုံးရေ၊

စိုက်ပျိုးရေများရရှိအောင်အစိုးရကပြုလုပ်ပေးထားသဖြင့်၊

ဆယ့်နှစ်ရာသီ၊ရာသီပေါ်သီးနှံများစိုက်ပျိုးနိုင်ကြသည်။

လယ်မြေကွက်များသည်အမြဲတမ်းစိမ်းလန်းလျက်၊သီးနှံစိုက်ခင်း

များအဖြစ်တွေ့မြင်ရသည်။မိုးရာသီမှစတင်၍စပါး၊စပါးပြီးလျင်ဂျုံ၊

ဂျုံပြီးလျင်အာလူး..ကုလားပဲ၊ခရမ်းချဉ်.မုံလာဥစသည်စသည်ဖြင့်

တစ်နှစ်ပတ်လုံးစိုက်ပျိုးကြသည်။စိုက်ပျိုးသလောက်လဲအထွက်နှုန်း

တွေတိုးကြသည်။ခေတ်မှီနည်းပညာများ၊ဓါတ်မြေသြဇာများ၊

သဘာဝဓါတ်မြေသြဇာ(လူချီး)များ၏အထောက်အကူကြောင့်

လဲဖြစ်မည်ထင်သည်။ကျေးရွာများရှိလယ်ယာအခင်း၊ကံသင်း၊

လမ်းမများသည်သူတို့၏အပေါ့အလေး၊အခင်းကြီးအခင်းလေး၊ 

နောက်ဖေးရှေးဖေး၊သွားရာနေရာများဖြစ်၍ဗမာပြည်လိုတောထိုင်

 ခြင်းမဟုတ်၊လူမြင်ကွင်းတွင်ထိုင်ကြသောကြောင့်ကွင်းထိုင်

ဟုပင်ဝေါဟာရကိုပြောင်းရမလိုဖြစ်နေသည်။

"ရှက်ခြင်းသည်မျက်နှာကရှက်သည်။ဖင်ကမရှက်"ဟုရှေးအင်းဝခေတ်က

အရွဲ့တိုက်တတ်သောဗန်းမော်ဆရာတော်ကြီး၊ငယ်စဉ်ကိုရင်ဘဝက

ဆွမ်းခံသွားရင်းကုဋီတက်ချင်လာသဖြင့်၊လမ်းဘေးသပိတ်ခေါင်းစွပ်ပြီး

 ကုဋီတက်ရင်းအော်ပြောလိုက်သောစကားသည်မမှန်တော့။

"ကုလားပြည်တွင်မှားခဲ့ပြီကောဆရာတော်"..လို့သာလျှောက်ထားလိုက်

ချင်သည်။ယိုသူမရှက်မြင်သူရှက်ဆိုသောမြန်မာစကားပုံတော့

ကုလားတို့တိုင်းပြည်တွင်ယနေ့အထိသွေးထွက်အောင်မှန်ကန်

နေဆဲပါပဲလေ။နောင်လဲဆက်လက်မှန်ကန်နေဦးမည်ထင်ရဲ့။

ဤလက်နက်သည်ကားကုလားတို့၏လက်လွပ်ရေးတိုက်ပွဲတွင်၊

အစွမ်းထက်လှသောလက်နက်ဆန်းကြီးတစ်ခုအဖြစ်ပါဝင်ခဲ့သည်

ဟုဆိုသည်မဟုတ်လား။

Wednesday, October 19, 2011

ဘဝမှာဆရာအတင်မမှားစေနဲ့

“အရှင်ဘုရားတို့..ဒီနေရာဟာလွန်ခဲ့တဲ့..A.D5ရာစုခန့်ကကမ္ဘာကျော်


နာလန္ဒာတက္ကသိုလ်အဟောင်းကြီးရဲ့နေရာပေါ့။မဟာယာနရဟန်းတော်


အရှင်နာဂအဇ္ဇုနဆိုတဲ့သူကတည်ထောင်သွားခဲ့တာလေ။

ဟောဒီဘက်ကရွာကလေးကတော့မြတ်စွာဘုရားရှင်ရဲ့သာသနာမှာ



ပညာအရာမှာအတော်ဆုံး၊အသာဆုံး၊အမြတ်ဆုံး၊ဧတဒဂ်ရတော်မူတဲ့


အရှင်သာရိပုတြာရဲ့ဇာတိချက်ကြွေမွေးရပ်မြေနာလရွာ(သို့မဟုတ်)


နာလကရွာလေးပေါ့”…ဟုစသည်ဖြင့်နာလန္ဒာတက္ကသိုလ်မှရဟန်းတော်


တစ်ပါးကရှင်းလင်းပြောပြနေပါသည်။စာရေးသူ၏စိတ်အစဉ်တွင်၊

အရှင်သာရိပုတြာနှင့်အရှင်မဟာမောဂ္ဂလာန်တို့၏



ပုံရိပ်များကိုတစ်ဖြည်းဖြည်းမြင်ယောင်လာမိပါတော့သည်။


မိမိ၏စိတ်အစဉ်သည်လွန်ခဲ့သောနှစ်ပေါင်း(၂၅၀၀)ကျော်မှ

လက်ဝဲရံ၊လကျာ်ရံအဂ္ဂသာဝကြီးများဖြစ်တော်မူမည့်ဥပတိဿနှင့်



ကောလိတပုဏ္ဏားလုလင်ငယ်လေးတို့၏အကြောင်းများ၊သိဉ္စည်းဆရာ


ကြီးကိုဆရာအဖြစ်ကိုးကွယ်ဆည်းကပ်နည်းခံနေပုံများအရှင်အဿဇိနှင့်

ဆွမ်းခံရွာတွင်တွေ့ဆုံခိုက်…ယေဓမ္မာဟေတုပ္ပဘဝါ..အစချီသော

ဂါထာကိုဟောပြရှင်းလင်းနေပုံများ၊စသည်တို့ကိုမြင်ယောင်ရင်း

ကျွန်ုပ်တို့၏ဘဝတစ်သက်တာတွင်၊ဆရာသည်အဓိကအခန်းကဏ္ဍမှ

ပါဝင်လျှက်ရှိနေကြောင်းတွေးတောနေမိပါတော့သည်။

ကျွန်ုပ်တို့၏ဘဝတွင်လူတိုင်းလူတိုင်းမှာဆရာရှိခဲ့ကြပါသည်။

"ဆရာကာပြန်၊အာခေါင်လှံစူး။ဆရာများ
သားသေ။ဆရာမပြ၊နည်းမကျ."

စသည်ဖြင့်ဆရာနှင့်ပတ်သက်၍စကားပုံများစွာရှိခဲ့သည်မဟုတ်ပါလား။

လူသားတစ်ယေက်၏ဘဝတွင်ဆရာအမျိုးမျိုးတွေ့ကြုံရပေမည်။

သင်ဆရာ၊မြင်ဆရာ၊ကြားဆရာစသည်ဖြင့်များစွာတွေ့ရှိခဲ့ပေမည်။

ဆရာမရှိသောသူဟူ၍၊လောက၌ရှိမည်မဟုတ်ပါ။

အဘယ့်ကြောင့်ဆိုသော်…



'လက်ဦးဆရာ၊မည်ထိုက်စွာ၊ပုဗ္ဗာစရိယ၊မိနှင့်ဘ.'.


ဟုဆိုရိုးရှိခဲ့သောကြောင့်ပင်ဖြစ်ပါ၏။


ကျွန်ုပ်တို့အားလူ့လောကသို့မွေးဖွားပေးလိုက်သောမိဘနှစ်ပါးသည်


ပင်လက်ဦးဆရာများဖြစ်နေသောကြောင့်ပါတည်း။

ဤနေရာတွင်လက်ဦးဆရာမည်သောမိဘနှစ်ပါးအကြောင်းကိုမတင်ပြလိုပါ။

ကျွန်ုပ်တို့အားအသိပညာ၊အတတ်ပညာများကိုသင်ကြားပို့ချပေး



သောဆရာများအကြောင်းကိုသာတင်ပြရေးသားလိုပါသည်။


ကျွန်ုပ်တို့၏ဘဝတွင်ဆရာသည်အရေးကြီးသောအခန်းကဏ္ဍမှ

ပါဝင်နေပါ၏။ထို့ကြောင့်ဆရာသည်အနန္တောအနန္တငါးပါးတွင်ပါ

ဝင်လျက် ဘုရားနှင့်တစ်ဂိုဏ်းတည်းထားခဲ့ကြသည်။

သို့ရာတွင်ကျွန်ုပ်တို့၏ဘဝတွင်ဆရာတင်မမှားမိကြစေဖို့

အလွန်အရေးကြီးလှပေသည်။ဆရာစစ်ဆရာမှန်ကိုကိုးကွယ်



ဆည်းကပ်မိဖို့အထူးလိုအပ်ပါသည်။ အဇာတသတ်မင်းသားငယ်လေးကိုကြည့်ပါ။


အရှင်ဒေဝဒတ်ကိုကိုးကွယ်ဆည်းကပ်မိသောကြောင့်မိမိ၏ဖခင်

အရင်းခေါက်ခေါက်ဗိမ္ဗိသာရမင်းကြီးကို
ရက်ရက်စက်စက်၊ပြစ်မှားသတ်ဖြတ်ခဲ့ပြီး၊

ပိတုဃာတကကံကြီးကိုပင်ကျူးလွန်မိခဲ့ရပေသည်။

ယင်းအပြစ်အကုသိုလ်ကံ၏
အကျိုးဆက်အဖြစ်၊သေလွန်သောအခါ

၊လောဟကုမ္ဘီငရဲ၌နှစ်ပေါင်းခြောက်သောင်း၊



ကျရောက်ပြီးဆင်းရဲဒုက္ခများစွာတွေ့ကြုံခဲ့ရပေသည်။

နောက်ပိုင်းတွင်ဆရာဇီဝက၏ကျေးဇူးကြောင့်ဆရာစစ်ဆရာမှန်၊ကိုးကွယ်ရာအမှန်၊



မြတ်ဗုဒ္ဓနှင့်တွေ့ကြုံဆုံဆည်းခွင့်၊တရားနာခွင့်ရခဲ့သော်လည်း၊


"ကံတရား၌နာမ်စားမရှိတော့ပြီ။အနာသိသော်လည်းဆေးမရှိတော့။


အလာကောင်းသော်လည်းအခါနှောင်းခဲ့ပြီ"


မဟုတ်ပါလား။အလားတူပင်အဟိသခေါ်အင်္ဂုလိမာသည်၊ပင်ကိုယ်က


စိတ်ကောင်းနှလုံးကောင်းရှိသူလေးပင်ဖြစ်ပါ၏။ဒိသာပါမ္ခောဆရာကြီး၏



လှည့်ကွက်အောက်တွင်လူဆိုးလူမိုက်၊လူကြမ်း၊တောပုန်းဓားမြကြီးဖြစ်ခဲ့ရသည်။

လူများစွာကိုသတ်ဖြတ်လျှက်မိမိ၏ကျေးဇူးရှင်မွေးမိခငိကိုပင်သတ်ဖြတ်ဖို့



ရန်အားထုတ်ကြိုးစားခဲ့သည်။မြတ်ဗုဒ္ဓ၏အနှိုင်မဲ့မေတ္တာကရုဏာ

တော်ကြောင့်သာ၊သူ၏ဘဝ၌ပြင်၍မရတော့မည့်အမှားကိုမကျူးလွန်



မိခဲ့ခြင်းပင်ဖြစ်ပါတော့၏။ဤသည်တို့ကိုကြည့်သောအားဖြင့်ကျွန်ုပ်တို့၏.
.ဘဝတွင်ဆရာကောင်းဆရာမြတ်၊ဆရာစစ်ဆရာမှန်တို့
ကိုရွေးချယ်ရှာဖွေရပေရမည်။ဆည်းကပ်ကိုးကွယ်ရပေမည်။

ဆရာတိုင်းသည်ဆရာကောင်း။
ဆရာမြတ်များမဖြစ်နိုင်ကြပါ။မိမိဘဝကိုချောက်ထဲတွန်း

ချသည့်အင်္ဂုလိမာ၏ဆရာမျိုး၊


ဘဝသံသရာဝယ်အပါယ်ငရဲသို့ပို့ဆောင်ပေးတတ်သည့်

အဇာတသတ်၏ဆရာအရှင်ဒေဝဒတ်တို့လိုဆရာမျိုးများလည်းများစွာရှိတတ်ပေသည်။
ဘဝတွင်ဆရာအတင်မှားကြသူများလည်းရှိကြပါလိမ့်မည်။
ကျွန်ုပ်တို့၏ကိုးကွယ်ရာမြတ်ဗုဒ္ဓသည်ပင်၊သစ္စာလေးပါးကိုရှာဖွေစဉ်၊


အာဠာရနှင့်ဥဒကရသေ့ကြီးတို့၏နည်းလမ်းအမှားလမ်းစဉ်အလွဲများ


ကိုကျင့်သုံးလုပ်ဆောင်ခဲ့ဖူးသည်။သမထလမ်းစဉ်ဖြင့်၊ကိလေသာ


မကုန်ခမ်းနိုင်၊ဒုက္ခအပေါင်းချုပ်ငြိမ်းရာ၊နိဗ္ဗာန်သို့မရောက်နိုင်ဟုသိသဖြင့်၊

ထိုဆရာကြီးများထံမှအချိန်မှီဖဲခွါခဲ့ဖူးသည်မဟုတ်လော။



အရှင်သာရိပုတ္တရာနှင့်အရှင်မဟာမောဂ္ဂလာန်တို့သည်လည်း၊

သိဉ္ဇည်းဆရာကြီးထံမှဖဲခွါ၍၊
ဆရာစစ်ဆရာမှန်မြတ်ဗုဒ္ဓထံချည်းကပ်ခဲ့ကြလေသည်။

တရားထူးတရားမြတ်ကိုတွေ့ရှိ


ကျင့်ကြံအားထုတ်ခဲ့သဖြင့်ဒုက္ခချုပ်ငြိမ်းရာဖြစ်သောနိဗ္ဗာန်သို့

ပင်ဆိုက်ရောက်ခဲ့ရပေသည်။ကျွန်ုပ်တို့သည်ဆရာသင်ကြား၊

ဆိုဆုံးမသည့်အတတ်ပညာ၊အသိပညာတို့ကိုမိမိတို့၏



ကိုယ်ပိုင်အသိဥာဏ်ဖြင့်ဆင်ခြင်စဉ်းစားလျှက်လုပ်ဆောင်သင့်လှပေသည်။

ထို့ကြောင့်ပင်မြတ်ဗုဒ္ဓကိုယ်
တော်တိုင်

ကာလာမသုတ္တန်၌မာသမဏောဂရုဟူ၍၊ဟောကြားတော်မူခဲ့သည်မဟုတ်ပါလား။
ဆရာသည်လည်းပုထုဇဉ်လူသားပေမို့အမှားနှင့်မကင်းနိုင်ကြပါ။မိမိအားအသိပညာ၊
အတတ်ပညာများသင်ကြားပြသပေးသောဆရာသည်သပ္ပုရိသူပနိဿယ
(စိတ်လည်းလှ၊ပညာလည်းပြည့်ဝသည့်)ဆရာဟုတ်မဟုတ်ကိုဆန်းစစ်ဖို့

အလွန်အရေးကြီးပါသည်။
ကျွန်ုပ်တို့သည်ဆရာကောင်းဆရာမြတ်ကိုရှာဖွေဆည်းကပ်ရာ၌၊မြတ်ဗုဒ္ဓ၏လမ်းညွှန်ချက်ကို


ဂရုပြုသင့်ပေသည်။မြတ်ဗုဒ္ဓဟောကြားတော်မူခဲ့သော၊သိင်္ဂါလောဝါဒသုတ်၌


ဆရာဟူသည်မိမိတပည့်အား…

၁။အသိပညာ၊အတတ်ပညာများကိုသင်ကြားပို့ချပေးရမည်။

၂။အမြဲဆုံးမသွန်သင်ပေးရပေမည်။

၃။မိမိ၏အတတ်ပညာ၊အသပညာများကိုအကုန်အစင်သင်ပြပေးရပေမည်။

၎။မိမိတပည့်အပေါ်ကျရောက်လာမည့်ဘေး၊အန္တရာယ်များကိုတားဆည်း

ကာကွယ်ပေးရမည်။

၅။ပညာသင်ကြားရန်သင့်တော်လျှောက်ပတ်သောနေရာဋ္ဌာနများသို့

လွေတ်အပ်နှံပေးရမည်။

အထက်ပါအချက်ငါးချက်နှင့်ပြည့်စုံသည့်ဆရာသည်ဆရာကောင်းဆရာမြတ်ဟု

မှတ်ယူရပေမည်။မိမိ၏ဘဝတစ်လျှောက်တွင်ဘဝ၏လက်ဆောင်ကောင်းအဖြစ်

ဆရာကောင်းဆရာမြတ်များနှင့်တွေ့ကြုံခွင့်ရခဲ့ပေသည်။

ဆရာကောင်းကိုဆည်းကပ်ကိုးကွယ်ခဲ့ရသောကြောင့်သာလျင်မိမိဘဝ


တသက်တာတွင်အိပ်မက်ပင်မြင်မက်ခွင့်မရှိပါသောနိုင်ငံရပ်ခြား၊
တိုင်းတစ်ပါး၌ပညာသင်ကြားခွင့်ကိုရခဲ့ပေသည်။


ဆရာသမားတို့၏ကူညီထောက်ပံ့၊ချီးမြောက်မှုဖြင့်မကြောင့်မကျ၊စိတ်ချမ်းသာ၊

ကိုယ်ချမ်းသာဖြင့်နေနိုင်ခွင့်ကိုလည်းရရှိခဲ့ပေသည်။အရှင်ဒေဝဒတ်လိုဆရာမျိုး၊

အဂုင်္လိမာလ၏ဆရာမျိုးနှင့်သာတွေ့ကြုံခဲ့ရပါမူ၊ကျွန်ုပ်တို့၏ဘဝသည်

မတွေးဝံ့အောင်နစ်နာဆုံးရှုံးမှုများ၊

ပျက်စီးမှုများ၊
ဆင်းရဲဒုက္ခများနှင့်သာတွေ့ကြုံဘွယ်ရှိပေသည်။ထို့ကြောင့်ကျွန်ုပ်တို့၏

ဘဝမှာ
ဆရာအတင်မမှားရလေအောင်ဆင်ခြင်တုံတရားလက်ကိုင်
ထားကာချည်းကပ်၊ကိုးကွယ်သင့်ပါကြောင်းတင်ပြလိုက်ရပေတော့သည်။

Thursday, October 13, 2011

ဘလော့ဂ်ဂါသူငယ်ချင်းအတွက်

ဘလော့ဂ်ဂါတစ်ယောက်အနေဖြင့်၊မိမိပိုစ့်ကိုအများသူငါဖတ်ဖို့ရေးမည်
ဆိုလျင်အောက်ပါအချက်ငါးချက်နှင့်ပြည့်စုံရမယ်တဲ့။
(၁)ခေတ်အခြေအနေ(situation)
(၂)စာရေးသူရဲ့ရည်ရွယ်ချက်၊စေတနာ(intention)
(၃)အကြောင်းအရာ(matter)
(၄)ချဉ်းကပ်နည်း၊သို့မဟုတ်၊ဇောင်းပေးခြင်း(approach)
(၅)အကြောင်းအကျိုး၊ရှေ့နောက်ဆီလျှော်ခြင်း(consistency)
ဒါတွေနှင့်ပြည့်စုံရမယ်တဲ့။စာဖတ်သူလဲ၊အဲဒီအချက်(၅)ချက်ကို
ရှာဖွေဖတ်ရှု့ရမယ်တဲ့။
အဲဒီငါးချက်ကပေါ်ပေါ်လွင်လွင်၊ထင်ထင်ရှားရှားရှိမနေဘူး။
ပေါ်ပေါ်လွင်လွင်ထင်ရှားရှားရှိနေပြန်လျှင်လည်းဒေါသသင့်တယ်။
                                           (ဦးရွှေအောင်)
အထက်ပါစာပိုဒ်လေးကိုဘလော့ဂ်တစ်ခုတွင်ဖတ်လိုက်ရတော့
ကျုပ်ဘလော့ဂ်လေးမှာပိုစ့်တင်ဖို့လက်တွန့်သွားတယ်ဗျာ။တကယ်ပါ။
ကိုယ်ဖန်တီးစိတ်ကူးထားတဲ့စာကိုလူအများရှေ့ချပြဖို့က၊
အဆင့်အတန်းမှီတဲ့ပိုစ့်ဖြစ်ဖို့တော့လိုတယ်။
ကျုပ်လဲအဆင့်မှီချင်တယ်ဗျာ။စာရေးခြင်းအတတ်ပညာကို၊
ကျုပ်မကျွမ်းကျင်ဘူး။ဘောလ်ပင်ကိုင်ပြီးစာရေး
စားလို့ကတော့ သေချာပေါက်ထမင်းငတ်ကိန်းပဲ..
ဆိုတာဗေဒင်မေးဖို့မလိုဘူးလေ။
ဝါသနာတစ်ခုတည်းကိုအရင်းတည်လို့ ကိုယ်ရေးတတ်သလိုရေးတင်လိုက်တယ်။မဂ္ဂဇင်း၊ဂျာနယ်
တွေဆီပို့လိုက်ရင် အယ်ဒီတာကြီးတွေရဲ့လက်ချက်နဲ့ ကျုပ်စာတွေမြောင်းထဲရောက်ကုန်မှာပေါ့။
ဒီတော့လဲ…ကိုယ်ပိုင်ဘလော့ဂ်လေးဖန်တီးလို့၊ရောက်တတ်ရာရာ၊
စာလေးတွေတင်လိုက်၊ရေးလိုက်တယ်ပေါ့ဗျာ။ရေးစရာမရှိတဲ့အခါ၊
သူများစာတွေကော်ပီကူးပြန်တင်လုပ်ရတာပေါ့။
ခေတ်ကြီးကလဲ ကော်ပီခေတ်လေ။သီချင်းတွေလဲကော်ပီတွေ၊
ကခပ်များများ၊မဟုတ်လား။ဒီတော့လဲ..ခေတ်မှီချင်တဲ့၊ ကျုပ်လဲ၊ကော်ပီရတော့တာပေါ့၊နားလည်ပေးပါ…ပရိတ်သတ်ကြီးရယ်.
.နော်

ဇရာနှင့်ယှဉ်သောသံဝေဂ

သင့်ရဲ့အသက်တွေကြီးနေပြီ၊
လောဘတွေကြီးနေတုန်းလား?
သင့်ရဲ့သွားတွေကျိုးကုန်ပြီ၊
ဒေါသ..မန်မာနတွေကျိုးပြီလား?
သင့်ရဲ့နားတွေလေးကုန်ပြီ၊
မောဟတွေလေးနေတုန်းလာ?
သင့်ရဲ့ဆံပင်တွေဖြူကုန်ပြီ၊
စိတ်ဓါတ်တွေဖြူစင်ရဲ့လား?
သင့်ရဲ့အသားအရေတွေတွန့်လာပြီ၊
မကောင်းမှုတွေလုပ်ရမှာတွန့်ရဲ့လား?
သင့်ရဲ့အားအင်တွေယုတ်လျော့လာပြီ၊
ရာဂစိတ်တွေလျော့ရဲ့လား?
သင့်ရဲ့မျက်စိတွေမှုန်ဝါးနေပြီ၊
နိဗ္ဗာန်လမ်းကိုလျှောက်ဖို့မှုန်ဝါးနေဆဲလား?
                        မင်းမြတ်နိုး(ကဒုံကနိ)
အပ္ပမာဒ၊အတွဲ(၄)၊အမှတ်(ဂ)။မှတ်သားဖို့ကောင်းလို့ပါ။
ဒါကြောင့်ကော်ပီကူးတင်လိုက်တာ။နေရာတကာကော်ပီမို့
လို့ခေတ်မှီအောင်ကော်ပီလုပ်လိုက်တာ။
ဟုတ်တယ်…စဉ်းစားဆင်ခြင်စရာတစ်ခုပါပဲ။
ဘာပဲဖြစ်ဖြစ်မသိတာထက်စာရင်သိထားတာကောင်းတာပေါ့။
အသိမှာသတိကပ်နိုင်ရင်မဂ်ဖိုလ်နိဗ္ဗာန်အထိတောင်ရောက်နိုင်တယ်လေ။
ကဲ…ပို့လိုက်ပြီဗျာ။ဂိတ်ဆုံး။မဆင်းတာတော့…ခင်ဗျာတို့ရဲ့တာဝန်ပဲ။
ကျုပ်နှင့်မဆိုင်ဘူး။

Thursday, October 6, 2011

မသိခြင်းရဲ့အခြားမဲ့

တွယ်တာမြတ်နိုးတိတ်တခိုးနှင့်၊တဖက်သတ်တန်ဘိုးထားစွဲလန်းလို့

အသဲကျွမ်းမျှချစ်ခဲ့ရပါတယ်သီရိရယ်၊တကယ်တော့ကျုပ်ကတောမှာမွေး.၊

တောမှာကြီး..တောမှာပဲနေနေတဲ့တောသားအစစ်၊ရေမရောဘူးဗျာ။

ရာဇဂြိုဟ်၊ဝေသာလီ၊သာဝတ္ထိ၊ဗာရာဏသီ…ဆိုတဲ့မြို့ကြီးပြကြီးဆိုတာ 

ကျုပ်ကြားရုံကြားဖူးတာပါ။မရောက်ဖူးလို့ရောက်ဖူးအောင်ဆိုပြီးသွားဖို့

လည်းကျုပ်ဘယ်တုန်းကမှအားမထုတ်ခဲ့ဘူး။လူတစ်ချို့ပြောတာ

ကြားဖူးပါရဲ့။ဘာတဲ့ဗျာ..မြို့ကြီးသူတွေဟာခန္ဓာကိုယ်ပိန်သေးသေး၊

ဆေးဆိုးပန်းရိုက်မျက်နှာတွေနဲ့မော်ဒယ်ဂဲလ်လေးတွေကွတဲ့။

မယ်တော်ပဲကဲသလား? မော်ဒယ်ပဲဂဲလ်သလားတော့ကျုပ်မသိပါဘူး။

သူတို့ပြောတာကြားရတော့၊ကျုပ်တစ်ယောက်တည်းပြုံးမိသေးတယ်။

"အပျိုပိန်ပိန်၊ရေမှာစိမ်တော့အီကြာကွေး၊အီကြာကွေး"..လို့

ကလေးတွေအော်သံကိုလဲကြားမိလိုက်သလို၊အင်းပိန်ကပ်ကပ်ပြားချပ်

ချပ်နှင့်ဆိုတော့ဝါးခြမ်းပြားအဝတ်ပတ်ထားသလိုများ

ဖြစ်နေမလားပေါ့။ဒါတွေထားလိုက်ပါလေ…ကျုပ်စိတ်မဝင်စားပါဘူး။

အလှအပနှင့်အနုအရွ၊သမုဒယဆိုတာတွေက 

ကျုပ်ဘဝနှင့်မဆီရေးချမဆိုင်။

ပြောဦးမယ်…ကျုပ်အလုပ်ကနံနက်စောစောထ၊ကိုယ်လက်သန့်စင်၊

ပြီးတာနှင့်တိတ်ဆိတ်ငြိမ်သက်တဲ့အရပ်မှာထိုင် နှာသီးဝကထွက်လေ

ဝင်လေကိုမှတ်သား၊ပြီးတော့ရွာထဲဆွမ်းခံဝင်ပေါ့။ပြောရင်ဆွမ်းခံ 

ဝင်တော့လည်းကျုပ်ကဟိုဟိုသည်သည်၊မကြည့်လေတော့ 

"ဘယ်သူ၊ဘယ်အချိန်၊ဘယ်နေရာမှာ၊ဘာလုပ်လုပ်လို့၊ဘာကြောင့်၊

ဘာဖြစ်သွားတယ်ဆိုတဲ့..ဘ.ခြောက်လုံးကိုလည်းကျုပ်မသိခဲ့ပါဘူး"။

ကျောင်းပြန်ရောက်လို့နေ့ဆွမ်းချိန်စောနေသေးရင်၊ကျောင်းပတ်ဝန်း

ကျင်တံမြက်လှဲမယ်။သောက်ရေသုံးရေတွေဖြည့်မယ်။

နေ့ဆွမ်းစားပြီးရင်တော့....





အင်း…ခဏလောက်အနားယူတတ်တယ်ပေါ့။ပြီးရင်တော့၊

တစ်နေ့လုံးစင်္ကြံလျှောက်လိုက်၊တရားမှတ်လိုက်၊တစ်ခါတစ်ခါစာ

အုပ်လေးတွေကြည့်လိုက်နဲ့ပေါ့။အဲဒါကျုပ်ရဲ့တစ်နေ့တာလုပ်ငန်းပဲ။

ကျုပ်ကတစ်ယောက်ထဲနေသူဆိုတော့အဖော်မရှိ၊ပြောစရာစကားလဲနတ္ထိ

၊ကဲ…ကျုပ်ဘဝလေးဘယ်လောက်အေးဆေးတည်ငြိမ်လိုက်ပါသလဲ။

ကျုပ်ဒီဘဝလေးမှာပျော်တယ်။ကျုပ်ဒီဘဝလေးကိုမြတ်နိုးတယ်ဗျာ။

ဟော….ဖြစ်ချင်တော့ဒီဇင်ဘာ(၉)ရက်ဆိုးချက်ကရင်နင့်စရာစရာလို့

ပြောရင်တောင်ရမယ်။ဟုတ်တယ်…အဲဒီနေ့ပေါ့။

ကျုပ်ဘဝမှာမေ့ပျောက်လို့မရတဲ့နေ့တစ်နေ့၊ကျုပ်အဖြစ်က

ဆန်းတယ်ပြောမလားပဲ။ဆွမ်းခံရင်းငှက်သင့်တာမဟုတ်ဘူးဆရာ၊

ဆွမ်းခံပြန်မှာငှက်သင့်တာလို့ဆိုရမလိုပါ။ခင်ဗျားသိပ်နားမရှင်းဘူးထင်ပါ့။

ဒီလိုဗျာ….ခါတိုင်းနေ့တွေလိုပါပဲ၊ဆွမ်းခံရွာကအပြန်ကျုပ်ရဲ့ရွာနှင့်အ

ဝေးတောကျောင်းလေးမှာအဂန္တုကိုယ်တော်တစ်ပါးရောက်နေတယ်။

ကျုပ်လည်းအာဝါသိကဝတ္တရားအတိုင်းပြုစုလို့၊သာကြောင်းမာ

ကြောင်းနုတ်ဆက်စကားဆိုကြရင်း၊စကားတွေကစပ်မိစပ်ရာ

ဟိုရောက်သည်ရောက်ပေါ့။ဟုတ်တယ်..စကားဆိုတဲ့သဘောက?စ'မိရင်

ကားရောပဲ။ဒါကြောင့်..စကားခေါ်တာဖြစ်မှာ။အာဂန္တုကိုယ်တော်ကြီးရဲ့

စကားတွေထဲမှာသာဝတ္ထိ၊ဝေသာလီ၊ဗာရာဏသီဆိုတဲ့မြို့ကြီးတွေဟာ

သိပ်ကြီးကျယ်ခန်းနားတဲ့အကြောင်း၊ရာဇဂြိုလ်မြို့ကြီးကတော့ပို၍ပို၍

သာယာကြောင်း၊ဥယာဉ်ပန်းခြံတွေ၊ခေတ်မီမိုးပျံအဆောက်အဦကြီးတွေ

၊ရှော့ပင်းစင်တာကြီးတွေနှင့်နတ်ဘုံနတ်နန်းတမျှပါပဲတဲ့။

(တော်တော်သိတဲ့..ကိုယ်တော်ကြီး..ဒီလိုပဲလျှောက်သွားနေသလား?

မသိပါဘူး)ပြီးတော့...အလှအပတွေပေါင်းစုလို့၊လှချင်တိုင်းလှနေသူ

ကတော့ရာဇဂြိုဟ်မြို့ပြရဲ့အလှနတ်ဘုရားမလေးသီရိမာကေလေးပါပဲတဲ့။သူမရဲ့အပြုံး၊သူမရဲ့အလှ 

သူမရဲ့အပြုစုအယုအယတွေကြောင့်အနယ်နယ်က.မင်း၊သူဌေး၊သူကြွယ်၊

လူကုံထံကုန်သည်၊ပွဲစားတွေဟာသူမနှင့်တစ်ညတာတစ်ခဏသာပျော်ပါး

ဖို့အသပြာတစ်ထောင်ကိုရက်ရက်ရောရော၊ရှောရှောရှူရှူ၊ကြည်ကြည်

ဖြူဖြူပေးဝံ့ကြသတဲ့လေ။ရာဇဂြိုဟ်မြို့ပြရဲ့ဂုဏ်သတင်းဟာလည်း

အလှနတ်သမီးလေးသီရိမာကြောင့်၊အိမ်နီးချင်းသာဝတ္ထိ၊ဝေသာလီ၊

ဗာရာဏသီ၊ကောသမ္ဘီနှင့်မလ္လာတိုင်းအစရှိတဲ့မြို့ကြီးတွေအထိ၊

အချင်းချင်းမေးလို့သတင်းမွေးနေတယ်..ဆိုပါသကောမောင်...။

ဒါတင်ဘယ်ဟုတ်သေးလို့လဲ။သူကလေးကနေ့စဉ်သံဃာရှစ်ပါးကို

သူမအိမ်ပင့်ဖိတ်ပြီးကိုယ်တိုင်ကိုယ်ကျဆွမ်းဆက်ကပ်လှူဒါန်းသေး

သတဲ့ဗျ။ရုပ်လှရုံမက၊စိတ်စေတနာ၊သဒ္ဓါတရားကလည်းသိပ်ပြီးဖြူစင်

လှပပါပေရဲ့......တဲ့။ဒီမှာ….ကျုပ်အရမ်းစိတ်ဝင်စားသွားပြီ။

ကျုပ်ကိုယ်တိုင်သီရိလေးရဲ့အလှအပကိုခံစားကြည့်ချင်လာတယ်။

သူလေးရဲ့အလှကိုစိတ်ကူးမှာပုံဖော်တွေးကြည့်မနေတော့ပဲ၊

ပြေးလို့သာကြည့်လိုက်ချင်ပါတော့တယ်။

"ကိုယ်တော်….ဒီတောကျောင်းမှာခေတ္တခဏစောင့်ရှောက်နေပေးပါလား?

တပည့်တော်ရာဇဂြိုဟ်မြို့ကြီးကိုသွားချင်တယ်၊

သိပ်ကြာခင်တပည့်တော်ပြန်လာခဲ့ပါ့မယ်"…လို့ကတိပေးစကားမှာ

ကြားရင်းကျောင်းကလေးကို၊အာဂန္တုကိုယ်တော်နှင့်လွဲထားခဲ့လိုက်တယ်။

ပြင်ဆင်စရာအထူးမရှိလေတော့၊သပိတ်တစ်လုံးသင်္ကန်းသုံးထည်နဲ့ပဲ၊

ရာဇဂြိုဟ်ရွှေမြို့တော်ကြီးဆီ၊ကျုပ်..ကြွချီလို့လှမ်းခဲ့တယ်ပေါ့။

ကြားခဲ့ဖူးတဲ့အတိုင်းပါပဲ။ရာဇဂြိုဟ်မြို့ကြီးကတော့တိုက်မြင့်မြင့်ကြီးတွေ၊

ဘုံခုနှစ်ဆင့်ပြဿာဒ်ကြီးတွေနှင့်မြင်းရှစ်ကောင်.ကတဲ့ရထား၊မြင်း(၁၂)က

တဲ့ရထားတွေနှင့်။အို…လူတွေလူတွေ၊များပြားစည်ကားလိုက်ပုံက၊

ပုရွက်ဆိတ်အုံ...တုတ်နှင့်ထိုးထားတဲ့အတိုင်းပါကလား။

တောသားကျုပ်အတွက်တော့အံ့သြစရာတွေချည်း၊

အထူးအဆန်းတွေချည်းဖြစ်လို့ပေါ့။

                                                  

                                                (၂)


ဒီလိုနှင့်ဝေဠုဝန်ကျောင်းတော်ကြီးကိုရောက်ခဲ့ပါပြီ။

ဆွမ်းစားကျောင်းဘုန်းတော်ဆီသွားပြီ၊ကျုပ်နာမည်ကို

စာရင်းပေးသွင်းခဲ့တယ်။အာဂန္တုဦးစားပေးစနစ်မို့ထင်ပါရဲ့။

နောက်တစ်နေ့အရုဏ်ဆွမ်းစားစာရင်းရှစ်ပါးမှာကျုပ်နာမည်ပါ

လာခဲ့တယ်။



"အို…ပျော်လိုက်တဲ့ဖြစ်ခြင်း၊မနက်လင်းရင် 

ချက်ခြင်းဆိုသလို၊ပက်ပင်းကြီးကိုသီရိလေးနှင့်တွေ့ရတော့မှာမို့

သက်ပြင်းတွေတောင်အခါခါချမိပါရဲ့"......။



အဲဒီညက.....တစ်ညလုံးကျုပ်အိပ်လို့မပျော်ခဲ့ဘူး။

ကျုပ်ရဲ့အတွေးကမ္ဘာမှာသီရိသာနေရာယူလို့၊ဟိုလိမ့်သည်လူး၊

စိတ်ကူးနဲ့ရူးခဲ့ရတဲ့ညပေါ့။အာရုံမတက်ခင်ကတည်းကနိုးထနေတဲ့

ကျုပ်ရယ်လေ။သပိတ်သင်္ကန်းယပ်တောင်တွေကိုပြင်ဝတ်ရုံပြီးကျုပ်

စောင့်နေလိုက်တယ်။ခေါင်းဆောင်မထေရ်ကြီးနှင့်အတူ..ကျုပ်အပါအဝင်

ရှစ်ပါး၊ဆွမ်းစားဖို့သီရိဂေဟာကိုရောက်ခဲ့ပါပြီ။အိမ်ကြီးကခမ်းနားကြီး

ကျယ်လိုက်ပါဘိတောင်း….။အိမ်ရှေ့မြက်ခင်းစိမ်းစိမ်းလေးတွေထဲမှာ

ဖြူနီဝါပြာ၊ရောင်စုံပန်းကလေးတွေနှင့်အတူ၊လိပ်ပြာငယ်ကလေးတွေ

ပျားပိတုန်းလေးတွေက၊ဟိုသည်ပျံဝဲလို့လေ။ဟင်…ကျုပ်ရင်တွေခုန်နေ

ပါလား၊ကဗျာဆရာကြီးတွေကဖွဲ့ဆိုကြတယ်။ရင်ခုန်ရင်အချစ်ပဲတဲ့…။

ဒါဆို…ကျုပ်ကသီရိကိုမမြင်မတွေ့ခင်ကတည်းက၊ရင်ထဲကနေသံယော

ဇဉ်ရစ်ချည်လို့ဖြစ်တည်နေခဲ့ပြီလား။အိမ်ကြီးထဲရောက်ရောက်တယ်

ဆိုရင်ပဲ၊ကျုပ်လဲမသိမသာ..ဟိုဟိုဒီဒီစူးစမ်းကြည့်လိုက်မိတယ်။

ဆွမ်းဆက်ကပ်ဖို့ပြင်ဆင်နေသူအားလုံးကတော့ငယ်ငယ်ချောချော 

အမျိုးသမီးတွေချည်းပါပဲ။ဒီအထဲမှာသီရိများပါလေမလားလို့ပေါ့။

အသားဖြူနှာတံပေါ်ပေါ်၊သွားတက်လေးနှင့်ဟာလေးကသီရိလား?...။

ဟိုဘက်ကမျက်နှာဝိုင်းဝိုင်းပြုံးလိုက်တိုင်း၊ပါးချိုင့်လေးနှင့်ဟာလေးက

သီရိများလား..?။အားလုံးကတော့သူ့အလှသူအလှကိုယ်စီရှိကြလေရဲ့။

ဒါပေမဲ့…သိတယ်မဟုတ်လား။သူတို့အလှလေးတွေကကျုပ်ရင်ခုန်သံ

ကိုမမြန်စေခဲ့ဘူး။ဒါဆိုသေချာတယ်၊သီရိမဟုတ်ဘူးပေါ့။သီရိဘယ်မှာလဲ?.

သီရီဘယ်မှာလဲ?.ဆိုပြီးကျုပ်ကိုကျုပ်မေးခွန်းတွေထုတ်ရင်းအလုပ်တွေ

ရှုပ်လို့။ဒီလိုနှင့်ဆွမ်းဆက်ကပ်ပြီးလို့၊သပိတ်ထဲမှာလဲကောင်းမွန်တဲ့ဆွမ်း

ဟင်းလျာတွေအပြည့်လောင်းလှူအပြီး၊ခေါင်းဆောင်မထေရ်ကြီးက 

 ဆွမ်းအနုမောဒနာတရားဟောကြားတော့မယ်။

အဲဒီအချိန်အမျိုးသမီးနှစ်ယောက်တွဲလို့အိပ်ခန်းအပြင်ဘက်ထွက်

လာတဲ့၊အမျိုးသမီးတစ်ယောက်ကိုတွေ့လိုက်တယ်ဆိုရင်ပဲ….



"ဟာ..အားပါး…သိပ်လှပါလား။ကပိုကရို၊မဖီးမလိမ်း၊မချယ်မသဘဲ၊

သဘာဝပင်ကိုယ်ပကတိအလှလေးပါလား။မကျန်းမာပုံရပေမဲ့၊နေ

လောင်ပန်းလေးတစ်ပွင့်နှယ်။ကျုပ်ရင်ခုန်သံတွေဆူညံကုန်ပြီကွယ်။

မင်းလေးရဲ့အလှဟာ၊မခူးမဆွတ်ရသေးတဲ့၊ဖူးပွင့်အစုံနှင်းဆီငုံလေးလိုပါပဲ

။မသွေးမထောက်၊အကွက်မဖောက်ရသေးတဲ့၊ကျောက်မြက်ရတနာ

အရိုင်းတုံးလေးတစ်လိုပါပဲ။မသောက်မသုံးရသေးတဲ့၊လန်းဆန်းသစ်သစ်

ပျားသကာစစ်လိုပါပဲလား။ကျုပ်အသဲကျွမ်းမတတ်၊စွဲလမ်းရပါပြီကော 
သီရိလေးရယ်….။ကျုပ်ရင်ခွင်မှာ၊ထာဝရထွေးပိုက်လို့၊နမ်းရှိုက်ခွင့်ရ

ပါရစေလား။ကျုပ်အဖြစ်ကိုဘယ်သူမြင်ဘယ်သူသိနိုင်မလဲ၊

တဖက်သတ်အဖြစ်နှင့်၊အသက်မကချစ်မိခဲ့သူကကျုပ်ရယ်ပါ။”





                               (၃)

ခေါင်းဆောင်မထေရ်ကြီးရဲ့ဆွမ်းအနုမောဒနာတရား ပြီးဆုံးသွားခဲ့ပါပြီ။

အမှန်အတိုင်းဝန်ခံရရင်၊ဘာတွေဟောပြောသွားတယ်ဆိုတာ.....

ကျုပ်မသိလိုက်ဘူး။ကျုပ်...အတွေးအာရုံထဲမှာနှစ်မျောနေခဲ့တယ်လေ။

ဆွမ်းကိစ္စပြီးလို့ကျောင်းတော်ကိုပြန်ရောက်ခဲ့ပေမဲ့..ကျုပ်နှလုံးသားနှင့်

အသိစိတ်တွေကတော့..သီရိလေးနှင့်အတူသီရိဂေဟာကြီးမှာကျန်ရစ်လို့

နေခဲ့ပါပြီ။ကျုပ်ဆွမ်းကိုစားလိုစိတ်မရှိတော့သလိုအချင်းချင်းလဲစကားပြော 

လိုစိတ်မရှိတော့ဘူး။သပိတ်ကိုအိပ်ယာဘေးအသာချ၊အပေါ်ရုံသင်္ကန်း

 ကိုခေါင်းမြီးခြုံပြီး၊ကျုပ်အာရုံကျုပ်အတွေးမှာသီရိလေးဟာကျုပ်ရဲ့ 

ကမ္ဘာပဲပေါ့။ကျုပ်စိတ်ကူးကျုပ်အိပ်မက်မှာသီရိလေးဟာရွှေမင်းသမီးလေ။ 

အရာအားလုံးကိုကျုပ်မေ့နေခဲ့တယ်။

(တကယ်..အဟုတ်ပြောတာ၊ခင်ဗျားရီနဲ့ဗျ။)

"ကိုယ်တော်ထ…ထ။မြတ်ဗုဒ္ဓကရဟန်းတော်အားလုံးသီရိဂေဟာ 

ကိုကြွရမယ်လို့အမိန့်ရှိလိုက်တယ်"…ဆိုတဲ့အနီးကရဟန်းတစ်ပါးရဲ့

လှုပ်နိုးသံကိုကြားတော့မှလေးငါးရက်အစာမစားပဲနေခဲ့တဲ့ကျုပ်၊

အလိုလိုခွန်အားတွေပြည့်လို့..၊သီရိဆိုတဲ့အသံကြားရုံနှင့်ကျုပ်စိတ်နှင့် 

ကျုပ်နှသားတွေအလိုလိုလန်းဆန်းတက်ကြွလို့ပါလား။ 

အချစ်ရဲ့စွမ်းအင်သတ္တိတွေထင်ပါရဲ့။ကျုပ်လဲရဟန်းတော်တွေနှင့်

အတူသင်္ကန်းကိုသပ္ပါယ်လို့သီရိဂေဟာဆီ၊မြတ်ဗုဒ္ဓရဲ့နောက်တော်ပါးက

လိုက်ခဲ့ရတယ်ပေါ့။ဟေ….လူအုပ်ကြီးကမနည်းပါလား။ 

အင်း..ဒီမှာဘာပူဇာ၊ဘာပွဲတော်များရှိပါလိမ့်?လူတွေကများပြားလှ

ချည့်လား..လို့ကျုပ်တွေးနေမိတယ်။"ကိုယ်တော်ရေဒီနေ့ရာဇဂြိုဟ်မြို့

ကြီးရဲ့အလှကျက်သရေဆောင်သီရိမာကွယ်လွန်ဆုံးပါးသွားတာ(၇) 

ရက်မြောက်နေ့ပေါ့။သီရိမာရဲ့ရုပ်အလောင်းကိုတစ်မြို့

လုံးတစ်အိမ်တစ်ယောက်မလာမနေရ။လာရောက်ကြည့်ရှူရမယ်။

မလာရောက်သူကို......ရှစ်အသပြာဒဏ်ရိုက်မယ်လို့ 

မင်းမြတ်ဗိမ္ဗိသာရကအမိန့်ထုတ်ထားတယ်လေ။ 

ဒါကြောင့်လူတွေအရမ်းများနေတာပေါ့ဘုရား"…

                   လို့ရဟန်းတစ်ပါးရဲ့တိုးတိုးပြောသံကိုကြားလိုက်မိတယ်။

အဲဒီစကားသံကကျုပ်နားထဲကိုသံရည်ပူအလား၊ပူလောင်ပြင်းရှစွာစီး

ဝင်သွားခဲ့တယ်။အို….သီရိလေးဆုံးပါးသွားပြီဆိုပါလား

တကယ်မဟုတ်ပါစေနဲ့။ကျုပ်နားကြားလွဲတာပဲဖြစ်ပါစေ..

လို့စိတ်ထဲ၊အကြိမ်ကြိမ်ဆုတောင်းနေမိခဲ့တယ်။

ကျုပ်ဆုတောင်းမပြည့်ခဲ့ပါဘူး။သီရိလေးကတော့........တမလွန် 

မှာငြိမ်းချမ်းစွာအိပ်စက်နေရှာပေါ့။


"ကျုပ်ရဲ့... စိတ်ကူးယာဉ်ကမ္ဘာလေးပြိုပျက်ခဲ့ရပါပြီ…

ကျုပ်ရဲ့မျှော်လင့်ချက်ရောင်ခြည်လေးလွင့်ပြယ်ပျက်သုဉ်းခဲ့ရပါပြီ…

ကျုပ်အိပ်မက်တွေအရည်ပျော်ကုန်ပြီ..အရည်တွေပျော်ကုန်ပါပြီဗျာ"…

…ကျုပ်ရင်ထဲမှာငိုကြွေးနေတယ်။ကျုပ်မျက်ဝန်းမှာငွေရောင်ပုလဲတို့

ခနေတယ်။ကမ္ဘာကြီးတစ်ခုလုံးချာချာလည်နေသလိုပဲ။

ကျုပ်ဦးဏှောက်အသိဥာဏ်တွေမှားယွင်းစွာ..မူးယစ်ရီဝေနေခဲ့ပါပြီ။

မြတ်ဗုဒ္ဓကဗိမ္ဗိသာရမင်းကြီးကိုခေါ်တော်မူလိုက်ပြီး…


မြတ်သောမင်းကြီး..သီရိမာရဲ့ရုပ်အလောင်းကိုပရိသတ်အပေါင်းမြင်နိုင် 

စေရန်အလို့ငှါရှစ်ပေခန့်မြင့်တဲ့နေရာမှာထားပါလော့…  

လို့မိန့်တော်မူလိုက်ပါတယ်။

မင်းကြီးလည်းမြတ်ဗုဒ္ဓစေခိုင်းချက်အတိုင်း..အားလုံးစီစဉ်ပြင်ဆင်ထား

လိုက်ပါတယ်။သိပ်မကြာလိုက်ပါဘူး..အသံတစ်ခုကထွက်ပေါ်ကြေငြာ

နေပါပြီ။

        "ကြွရောက်လာတဲ့ပရိသတ်ကြီးခင်ဗျား…ကျေးဇူးပြု၍နားဆင်ပါ။

အားလုံးသိကြတဲ့အတိုင်း..ယခုသီရိမာလေးဟာအသက်ရှင်စဉ်က

သူမနှင့်တစ်ညတာပျော်ပါးနေထိုင်ဖို့အသပြာတစ်ထောင်ပေးကြ

ရပါတယ်။ယခုအခါ..ဟောဒီကသီရိမာနှင့်အမြဲတမ်းမခွဲတမ်း၊

ရာသက်ပန်ထာဝရအတူတကွနေထိုင်ဖို့ရန်အတွက်မည်သူမဆို

အသပြာတစ်ထောင်ပေးဝယ်၍..အပြီးအပိုင်လာရောက် 

ယူနိုင်ပါပြီခင်ဗျား"
                      တဲ့။ပရိသတ်ကြီးကတော့တုပ်တုပ်ပင်မလုပ်။

ကျောက်ရုပ်ကြီးတွေစီချထားသလိုမလုပ်မယှက်ငြိမ်သက်လျက်။

တိတ်ဆိတ်ငြိမ်သက်ခြင်းကအပ်ကျသံတောင်ကြားရမတတ်ပါပဲ။

ခဏအကြာ..လူတစ်ချို့ကတီးတိုးတီးတိုးသဖန်းပိုးဆိုသလို…

ဒီလူအသေကောင်၊မသာကောင်၊အလောင်းကောင်အသုဘကြီးကို

ဘာလုပ်ဖို့အသပြာတစ်ထောင်နှင့်ရောင်းနေရတာလဲ။

သေသွားမှတော့မြေမြုပ်လိုက်ရောပေါ့၊မီးရှို့လိုက်ရောပေါ့၊

ဒါမှမဟုတ်လည်းမြစ်ထဲမျောလိုက်ရော့ပေါ့…လို့ဆိုသူကဆို

။လေတစ်တစ်ချက်အဝေ့မှာခွေးသေကောင်ပုတ်နံ့လိုဆိုးဆိုးဝါးဝါး၊

ပုတ်အဲ့အဲ့၊စူးရှရှအနံတစ်ခု။တစ်ချို့ကနှာခေါင်းပိတ်သူပိတ်၊

ပျို့အန်သူတွေအန်လို့…သီရိမာရဲ့ခန္ဓာကိုယ်ပေါ်လွမ်းခြုံထားတဲ့

ပိတ်ဖြူကြီးကိုခွါချလိုက်တဲ့အခါမှာတော့ညိုမဲဖူးရောင်ပုတ်ပွနေတဲ့

အသုဘအလောင်းကောင်တစ်ခု။တစ်ချိန်ကလိုချင်သူတွေဝိုင်းဝိုင်းလည်၊

ချစ်ခင်သူတွေများပြားခဲ့ဖူးသူသီရိမာလေး...

ခုတော့လဲ…အားလုံးကလှည့်လို့ပင်မကြည့်ချင်ကြတော့ပါလား။

သီရိမာရဲ့ရုပ်အလောင်းကိုအသပြာတစ်ထောင်ပေးဝယ်လို

သူမရှိတော့အသပြာ(၅၀၀)၊အဲဒီနောက်တစ်စတစ်စလျော့ချလာ

လိုက်တာအလကားအပြီးပိုင်ပေးပါမယ်ဆိုတဲ့အထိ။

လူချင်သူမရှိလက်ညိုးထောင်သူမရှိတော့။ပုတ်ပွနံစော်ပြီးမသထီစရာအနံ့ 

အဆင်းနှင့်ပိုးလောက်တို့ကတစ်ဖွားဖွား၊လမ်းမပေါ်ကားတိုက်

ထားတဲ့ခွေးသေကောင်ပုတ်တစ်ခုလိုတန်ဘိုးမဲ့နေတဲ့သီရိမာရဲ့

ခန္ဓာကိုယ်ကြီးဘယ်သူကများနှစ်သက်လိုချင်စွဲလမ်းနေတော့မှာတဲ့လဲ။

အလှအပဆိုတာထာဝရမဟုတ်၊ခဏတာတည်မြဲခြင်းရယ်ပါလား။


သြော်….ကျုပ်လား၊မပြောပါနဲ့တော့ဗျာ။ဒီလောက်ပုပ်ပွနံစော်နေတာကြီး

ကျုပ်လဲဟောဒီကသီရိမာဆိုတာကြီးကိုမလိုချင်တော့ပါဘူး။

မရယူမပိုင်ဆိုင်ချင့်ပေါဘူးဗျာ။ဒီတော့မြတ်ဗုဒ္ဓက…

       ”ဟောဒီက....သီရိမာလေးကိုကြည့်ကြကုန်လော့...

ရှု့ကြကုန်လော့၊အသက်ရှင်စဉ်တုန်းကရယူလိုချင်သူတွေသိပ်ပေါများ

ခဲ့တယ်။ခုတော့..အလကားယူပါဆိုတာတောင်လက်ညိုးထောင်

ခေါင်းညိတ်မဲ့သူမရှိတော့ဘူး။တကယ်တော့ဟောဒီကခန္ဓာ

ကိုယ်အတ္တဘောကြီးဟာငှက်ပြောတုံး…လက်ပံတုံးကြီးလိုပဲ၊

အကာအတိသာဖြစ်တယ်၊ပြင်ပကအလှအပတွေချယ်သထားတဲ့

မစင်အိုးကြီးတစ်လုံးနှင့်သာတူတော့တယ်။ပြီးတော့....




"ဆံပင်၊မွေးညှင်း၊ခြေသည်းလက်သည်း၊သွား၊အရေ၊အကြော၊အရိုး

၊ခြင်ဆီ၊အညှို့၊နှလုံး၊အသည်း၊အမြှေး၊အဖျဉ်း၊အဆုပ်၊အူသိမ်၊အူမ၊

အစာသဏ်၊အစာဟောင်း၊ဦးဏှောက်၊သည်းခြေ၊သလိပ်၊ချွေး၊အဆီခဲ၊

မျက်ရည်၊ဆီကြည်၊တံတွေး၊နှပ်၊အစေး၊ကျင်ငယ်…

လို့ခေါ်တဲ့ရွံရှာဖွယ်အရာတွေနှင့်ပြည့်နက်လို့သာနေတော့တယ်။

ဒါတွေကိုမြင်အောင်ဥာဏ်မျက်မျက်စိနှင့်မြင်အောင်ကြည့်ရှု

ဆင်ခြင်ပွါးများကြရမယ်၊ရုပ်နာမ်တို့ရဲ့ပျက်စီတတ်ခြင်းသဘော၊

မမြဲတဲ့သဘော..ကိုသိအောင်အားထုတ်ကြရမယ်။ဖြစ်ပြီးရင်ပျက်စီးရမယ်

၊လောကမှာအဖြူရှိရင်၊အမဲဆိုတာရှိမယယ်၊အလင်းရှိရင်၊အမှောင်ဆို

တာရှိတယ်။သေခြင်းရှိရင်၊မသေချင်းဆိုတာရှိတယ်။

အဲဒီမသေခြင်းကတော့၊အမတဆိုတဲ့နိဗ္ဗာန်တရားပါပဲ…တဲ့။

မသေခြင်းဆိုတဲ့နိဗ္ဗာန်ကိုကုသိုယ်တရားတွေအပေါ်မှာ 

မမေ့မလျော့တဲ့အပ္ပမာဒခေါ်သတိတရားနှင့်သာရောက်နိုင်၊

ရရှိနိုင်တယ်”.......
           
              စတဲ့တရားတော်ကိုဟောကြားလိုက်ပါတယ်။

မြတ်ဗုဒ္ဓရဲ့တရားစကားတိုင်းကတော့ပရိသတ်ကြီးရဲ့နှလုံးသား၊

အထူးအားဖြင့်ကျုပ်ရဲ့နှလုံးသားတိုက်ရိုက်၊တည့်တည့်ကြီးထိခဲ့ပါပြီကော။

ဟုတ်တယ်ဗျ…မသိမှုအဝိဇ္ဇာတရားတွေက၊ကျုပ်တစ်ကိုယ်လုံးဖုံးလွမ်း 

နေခဲ့တယ်လေ။ခုတော့ဒါတွေကိုကျုပ်သိသွားပြီ။လိုချင်တဲ့တဏှာ၊ 

စွဲလမ်းတတ်တဲ့ဥပါဒါန်တွေကို..ကျုပ်အကြွင်းမရှိလုံးဝ၊ဖြတ်တောက်ပစ်

လိုက်ပြီ၊မှားမှန်းသိခဲ့လို့.....ကျုပ်ပယ်ခွါစွန့်ပစ်လိုက်ပြီ…

ကျုပ်သီရိမာကိုမတွယ်တာတော့ဘူး၊မစွဲလမ်းတော့ဘူး၊

မမြတ်နိုးတော့ဘူး။ဒီအချိန်မှာ....သီရိမာလေးကိုမှမဟုတ်ပါဘူး..

ဘယ်ပုဂ္ဂိုလ်..ဘယ်ယောကျာ်း…ဘယ်မိန်းမကိုမှမတွယ်တာ၊မမြတ်နိုး၊

မစွဲလမ်းတော့ပါဘူး။မုန်းသွားလို့လား?…လို့မမေးပါနဲ့။

ကျုပ်မှာ...ချစ်ခြင်းမုန်းခြင်းဆိုတာတွေ၊မရှိတော့ဘူးလေ။

အပြောင်းအလွဲမြန်သူကြီးရယ်..လို့တမလွန်ကသီရိလး…

ကျုပ်ကိုအပြစ်မတင်ပါနှင့်တော့။အရာအားလုံးရဲ့မမြဲတဲ့သဘော၊

ဆင်းရဲတဲ့သဘော၊အစိုးမရတဲ့သဘောတွေကို 

ကျုပ်ရှင်းရှင်းလင်းလင်း၊ကွင်းကွင်းကွက်ကွက်ကြီးကိုနားလည်

သိရှိခဲ့ပြီလေ။ဒါတွေ....ကျုပ်မသိခင်ကလိုချင်တပ်မက်ခဲ့တယ်။နှစ်သက်

မြတ်နိုးခဲ့ဘူးတယ်၊အခုတော့....


     မြတ်ဗုဒ္ဓက…လမိုက်ညသန်းခေါင်ယာမ်မှာ၊မျက်စိလည်လမ်းမှားလို့

ချောက်ကမ်းပါးကြီးထဲကျတော့မဲ့..ကျုပ်ကိုဓမ္မအလင်းရောင်ပေးပြီး၊

လမ်းမှန်ကိုညွှန်ပြခဲ့လို့သာ၊ကျုပ်ဘဝ..ဒုက္ခနှင့်နိဂုံးမချုပ်ခဲ့ရတာပေါ့။

ကျုပ်ကိုလဲ..သံသရာဝဲဂယက်က၊ဆွဲထုတ်ကယ်တင်ခဲ့ပြီးပြီမဟုတ်လား။

သံသရာကိုဆွဲမဆန့်ချင်တော့ပါဘူး။


              ကဲ…ဒါပါပဲဗျာ၊ကျုပ်ကိုခွင့်ပြုပါဦး၊ကျုပ်သွားတော့မယ်။

ရာဇဂြိုဟ်မြို့ကြီးနှင့်ဝေးရာ၊သီရိလေးနှင့်ဝေးရာ၊ပြီးတော့အားလုံးနှင့်

ဝေးရာကိုပေါ့။အဲဒီနေရာကတော့၊ကျုပ်နှစ်ပေါင်းများစွာနေထိုင်ခဲ့ဖူးတဲ့၊

မြို့ပြနှင့်ဝေးသော ကျေးလက်က..တောရကျောင်းလေးဆီကိုသာပါ...

နေရစ်ခဲ့တော့.ရာဇဂြိုဟ်ရွှေမြို့တော်ကြီးရေ...

                                                     နေရစ်ခဲ့ပေဦးတော့….








         မှတ်ချက်။…။(M.M.W.A.I)အဋ္ဌမနှစ်၊နှစ်ပတ်လည်စာစောင်တွင်ဖော်ပြီးဖြစ်ပါသည်။